گوجر خان: کراچی سے پشاور جانے والی خیبر میل کو حادثہ

کراچی سے پشاور جانے والی مسافر ٹرین ‘خیبر میل’ گوجرخان ریلوے اسٹیشن کے قریب حادثے کا شکار ہو گئی ہے، جہاں ٹرین کی آخری بوگی پٹری سے اتر گئی۔ ریلوے حکام کے مطابق خوش قسمتی سے حادثے میں کسی قسم کا جانی یا مالی نقصان نہیں ہوا۔ واقعے کے بعد ٹرین کو پشاور کی جانب روانہ کر دیا گیا ہے، تاہم پٹری سے اترنے والی بوگی ٹریک پر موجود ہونے کے باعث ریلوے ٹریک فی الحال آمدورفت کے لیے بند ہے۔ ریلوے کی امدادی ٹیمیں موقع پر پہنچ چکی ہیں اور ٹریک کی بحالی کے لیے آپریشن تیزی سے جاری ہے۔