دبئی کے مشہور ہیومنائڈ روبوٹ ’بو سنیدہ‘ نے’موزہ‘ نامی روبوٹ سے شادی کر لی

دبئی میں اپنی منفرد اور دلچسپ ویڈیوز کے باعث مقبولیت حاصل کرنے والے ہیومنائڈ روبوٹ ’بو سنیدہ‘ نے سوشل میڈیا پر اپنی شادی کا اعلان کر کے صارفین کو حیران کر دیا ہے۔ روبوٹ کے رسمی اکاؤنٹ پر اس کی ’شادی‘ کی چند تصاویر شیئر کی گئیں، تاہم یہ کوئی حقیقی یا قانونی شادی نہیں بلکہ روبوٹ کی کری ایٹو ٹیم کی جانب سے تیار کیا گیا سوشل میڈیا کانٹنٹ ہے۔ ایس ایس لوتاہ گروپ کا تیار کردہ یہ روبوٹ دراصل چین کی کمپنی Unitree Robotics کا ’Unitree G1‘ ماڈل ہے، جسے بنیادی طور پر تحقیق اور تعلیم کے لیے ڈیزائن کیا گیا ہے۔ اماراتی ثقافت، روایات اور مختلف عوامی تقریبات کی ویڈیوز کی وجہ سے یہ روبوٹ انسٹاگرام اور دیگر پلیٹ فارمز پر خاصا مقبول ہے۔