حج رجسٹریشن کرانے والوں کی تعداد 3 لاکھ 81 ہزار سے تجاوز کر گئی

وزارت مذہبی امور کے مطابق سال 2027ء سے 2030ء کے لیے حج کے خواہش مند 3 لاکھ 81 ہزار سے زائد افراد نے رجسٹریشن کرا لی ہے۔ ترجمان مذہبی امور نے بتایا کہ اگلا مرحلہ جلد شروع ہونے والا ہے، اس لیے حج 2027ء کے خواہشمند افراد 16 نومبر 2027ء تک کا کارآمد پاسپورٹ تیار رکھیں۔ مزید برآں، ترجمان نے شہریوں کو سوشل میڈیا پر حج کے حوالے سے پھیلائے جانے والے جعلی اشتہارات اور غیر تصدیق شدہ معلومات سے محتاط رہنے کی ہدایت کرتے ہوئے کہا کہ ایسے عناصر کی فوراً رپورٹ کی جائے۔ وزارت نے واضح کیا کہ حج سے متعلق تمام مستند معلومات صرف وزارت مذہبی امور کی آفیشل ویب سائٹ اور ایپس سے ہی حاصل کریں