شہباز شریف کی ماجد ظہور کی رہائش گاہ آمد، والدہ کے انتقال پر تعزیت

وزیراعظم شہباز شریف نے سابق وزیراعلیٰ پنجاب حمزہ شہباز کے ہمراہ مسلم لیگ (ن) کے سابق رکن پنجاب اسمبلی ماجد ظہور کی رہائش گاہ کا دورہ کیا۔ اس موقع پر دونوں رہنماؤں نے ماجد ظہور اور ان کے اہل خانہ سے ان کی والدہ کے انتقال پر دلی تعزیت اور گہرے افسوس کا اظہار کیا۔

دورے کے دوران وزیراعظم شہباز شریف اور حمزہ شہباز نے مرحومہ کے ایصالِ ثواب کے لیے فاتحہ خوانی کی اور دعا کی کہ اللہ تعالیٰ ان کے درجات بلند فرمائے، مغفرت کرے اور سوگوار خاندان کو یہ صدمہ برداشت کرنے کے لیے صبرِ جمیل عطا فرمائے۔ دونوں رہنماؤں نے غمزدہ خاندان کو دلاسہ دیتے ہوئے ان کے ساتھ دکھ اور ہمدردی کا اظہار کیا