وزیراعظم کی نواز شریف سے ملاقات، ملکی و سیاسی صورتحال پر مشاورت

وزیراعظم محمد شہباز شریف نے رائیونڈ میں پاکستان مسلم لیگ (ن) کے صدر اور سابق وزیراعظم محمد نواز شریف سے اہم ملاقات کی، جس میں ملک کی مجموعی سیاسی و اقتصادی صورتحال اور آئندہ کی سیاسی حکمتِ عملی پر تفصیلی تبادلۂ خیال کیا گیا۔ اس اعلیٰ سطح کی مشاورت میں وزیراعلیٰ پنجاب مریم نواز شریف اور نائب وزیراعظم و وزیرِ خارجہ سینیٹر محمد اسحاق ڈار بھی موجود تھے۔ ذرائع کے مطابق ملاقات کے دوران اہم قومی معاملات، حکومتی امور اور عوامی ریلیف سے متعلق مختلف اقدامات پر باہمی مشاورت کی گئی اور ملک میں سیاسی استحکام کی پیش رفت کا جائزہ لیا گیا۔