سورینج حادثہ، وزیر اعلیٰ بلوچستان نے محکمہ مائنز اینڈ منرلز سے رپورٹ طلب کر لی

وزیر اعلیٰ بلوچستان میر سرفراز بگٹی نے سورینج میں کوئلے کی کان میں پیش آنے والے افسوسناک حادثے کا سخت نوٹس لیتے ہوئے محکمہ مائنز اینڈ منرلز سے فوری تفصیلی رپورٹ طلب کر لی ہے۔ وزیر اعلیٰ نے ہدایت کی ہے کہ واقعے کی شفاف انکوائری کر کے حادثے کی وجوہات اور ذمہ داروں کا فوری تعین کیا جائے اور کسی بھی سطح پر غفلت یا کوتاہی ثابت ہونے پر ملوث افراد کے خلاف قانون کے مطابق سخت کارروائی کی جائے۔ میر سرفراز بگٹی نے صوبے کی تمام کوئلہ کانوں میں مزدوروں کی حفاظت سے متعلق ضوابط (Safety Protocols) پر سختی سے عملدرآمد یقینی بنانے کے لیے بھی محکمے کو واضح احکامات جاری کیے ہیں۔