کوئٹہ کے نواحی علاقے میں کوئلے کی کان میں دھماکا، 32 کان کن جاں بحق

بلوچستان کے دارالحکومت کوئٹہ کے نواحی علاقے سورینج میں واقع کوئلے کی کان میں میتھین گیس کے باعث ہونے والے خوفناک دھماکے میں پھنسے 42 کان کنوں میں سے 32 افراد کی ہلاکت کی تصدیق کر دی گئی ہے، جن کی لاشیں ریسکیو ٹیموں نے باہر نکال لی ہیں۔ پی ڈی ایم اے (PDMA) اور چیف مائنز انسپکٹر عبدالغنی کے مطابق کان بیٹھنے سے اندر موجود مزدور محصور ہو گئے تھے۔ کان کے مالک نے تصدیق کی کہ حادثے کا شکار ہونے والے تمام کان کنوں کا تعلق خیبرپختونخوا کے ضلع شانگلہ سے ہے۔ صوبائی وزیر برائے مائنز اینڈ منرلز شعیب نوشیروانی کے مطابق دشوار گزار حالات کے باوجود ریسکیو آپریشن جاری ہے، جبکہ حکومت کی جانب سے جاں بحق کان کنوں کے لواحقین کے لیے فی کس 5 لاکھ روپے اور زخمیوں کے لیے 3 لاکھ روپے مالی امداد کا اعلان کیا گیا ہے۔