شان مسعود انجری کے باعث ویسٹ انڈیز کیخلاف دوسرے ٹیسٹ سے باہر

پاکستان کرکٹ ٹیم کے کپتان شان مسعود انگوٹھے کی چوٹ کے باعث ویسٹ انڈیز کے خلاف جاری سیریز کے دوسرے ٹیسٹ میچ سے باہر ہو گئے ہیں۔ تفصیلات کے مطابق پہلے ٹیسٹ میچ کی پہلی اننگز کے دوران بیٹنگ کرتے ہوئے گیند ان کے انگوٹھے پر لگی تھی، جس کے بعد ان کا طبی معائنہ اور سکین کروایا گیا۔ ذرائع کا کہنا ہے کہ اس انجری کے باعث شان مسعود کی آئندہ انگلینڈ کے خلاف ہونے والے پہلے ٹیسٹ میں شرکت بھی غیر یقینی دکھائی دیتی ہے۔ تاہم، کرکٹ بورڈ انتظامیہ نے فیصلہ کیا ہے کہ انہیں فی الحال وطن واپس نہیں بھیجا جائے گا اور وہ بحالیِ صحت (ریہیب) کے عمل کے لیے ٹیم کے ہمراہ ہی موجود رہیں گے