پاکستان امریکا اور ایران کو مفاہمتی یادداشت پر واپس لانے کیلئے سرگرم ہے: دفترِ خارجہ

دفتر خارجہ کے ترجمان طاہر حسین اندرابی نے ہفتہ وار بریفنگ میں کہا ہے کہ پاکستان کو مشرقِ وسطیٰ بالخصوص آبنائے ہرمز اور باب المندب کی سیکیورٹی صورتحال پر شدید تشویش ہے اور تمام مسائیل کا واحد حل سفارت کاری ہی ہے۔ ترجمان نے بتایا کہ وزیراعظم نے گزشتہ ہفتے سعودی ولی عہد محمد بن سلمان جبکہ 25 جولائی 2026 کو اسحاق ڈار نے سعودی وزیر خارجہ سے رابطے کیے، پاکستان ایران اور امریکہ کو ‘اسلام آباد ایم او یو’ پر واپس لانے کے لیے اپنا سفارتی کردار ادا کرتا رہے گا۔ ترجمان نے عراقی ڈرونز کے ذریعے سعودی عرب کو نشانہ بنانے پر سعودی موقف کا جائزہ لینے کی بات کی جبکہ بھارت کی جانب سے پاکستانی ڈیجیٹل و سوشل میڈیا اکاؤنٹس کی بندش کو مضحکہ خیز قرار دیا۔ علاوہ ازیں ترجمان نے جرمن ادارے (DW) کی پاکستان مخالف دستاویزی فلم کو پرانے اور جانبدار بیانیے پر مبنی قرار دے کر مکمل طور پر مسترد کر دیا۔