عمران خان کی بہن نورین نیازی کی ایک ہفتے کیلئے حفاظتی ضمانت منظور

لاہور ہائیکورٹ نے بانی پی ٹی آئی کی بہن نورین نیازی کو نیشنل سائبر کرائم انویسٹی گیشن ایجنسی (NCCIA) کی جانب سے پیکا (PECA) ایکٹ کے تحت درج مقدمے میں بڑا ریلیف دیتے ہوئے ان کی ایک ہفتے کے لیے حفاظتی ضمانت منظور کر لی ہے۔ جسٹس سردار اکبر ڈوگر نے نورین نیازی کی درخواست پر سماعت کی، جس میں درخواست گزار کے وکیل نے موقف اختیار کیا کہ متعلقہ عدالت سے رجوع اور عبوری ضمانت کے حصول تک گرفتاری کا شدید خدشہ موجود ہے۔ عدالتِ عالیہ نے وکیل کے دلائل کا جائزہ لینے کے بعد پولیس کو نورین نیازی کی گرفتاری سے روک دیا اور ہدایت کی کہ وہ مقررہ 1 ہفتے کی مدت کے اندر متعلقہ کورٹ میں پیش ہو کر رجوع کریں۔