پاکستانی شوبز کے وہ ستارے جو ’نیپو کڈز‘ ہونے کے باوجود اپنی شناخت بنانے میں کامیاب رہے

پاکستانی شوبز انڈسٹری میں ‘نیپو کڈز’ اور خاندانی اثر و رسوخ کی بحث کے دوران متعدد فنکار اور پروڈیوسرز ایسے بھی ہیں جنہوں نے خاندانی شناخت کے بجائے محض اپنی صلاحیت کی بنیاد پر نام بنایا۔ اداکار عدیل ہاشمی مزاحیہ و سنجیدہ اداکاری کے ساتھ فیض میلے کی میزبانی کے حوالے سے جانے جاتے ہیں، جبکہ وہ پاکستان کے لیجنڈری شاعر فیض احمد فیض کے نواسے اور معروف پروڈیوسر منیزہ ہاشمی کے فرزند ہیں۔ دوسری جانب ‘شیر’ اور ‘زرد پتوں کا بن’ جیسے ڈراموں سے شہرت پانے والے اداکار علی طاہر، نامور مصنف امتیاز علی تاج کے پوتے، اداکار نعیم طاہر اور براڈکاسٹر یاسمین طاہر کے بیٹے ہیں۔ اسی طرح پاکستان ڈرامہ انڈسٹری کی معروف پروڈیوسر مومنہ درید، سینئر میڈیا شخصیت سلطانہ صدیقی کی بہو ہونے کے باوجود معیاری پروڈکشنز کی بدولت اپنی انفرادیت قائم کرنے میں کامیاب رہی ہیں۔