ماہرہ خان کی غزہ فنڈ ریزنگ تقریب میں شرکت، اسرائیلی برینڈز سے وابستگی پر تنقید کا شکار

پاکستانی اداکارہ ماہرہ خان کو لندن میں غزہ کے متاثرین کے لیے منعقدہ ایک فنڈ ریزنگ تقریب میں شرکت کے بعد سوشل میڈیا پر ملا جلا ردِعمل اور تنقید کا سامنا کرنا پڑ رہا ہے۔ معروف ڈیزائنر ثانیہ مسکاتیا کا تیار کردہ لباس زیب تن کیے اداکارہ کی ویڈیوز سامنے آنے پر جہاں مداحوں نے ان کے انداز اور خیراتی مقصد کی تعریف کی، وہیں کچھ صارفین نے ان کے سابقہ برانڈ تعاون پر سوالات اٹھا دیے۔ سوشل میڈیا صارفین کا کہنا ہے کہ ایک جانب ماہرہ خان فلسطین کے لیے آواز اٹھا رہی ہیں جبکہ دوسری جانب وہ ان عالمی برانڈز کی تشہیر سے منسلک رہی ہیں جن پر بائیکاٹ کی مہم جاری ہے۔ اس کے علاوہ چند صارفین نے یہ اعتراض بھی اٹھایا کہ تقریب کا محور غزہ کی امداد کے بجائے خود اداکارہ کی شخصیت معلوم ہو رہا تھا۔