ہانیہ عامر مداحوں کو سبق آموز پیغام دینے پر تنقید کی زد میں آگئیں

پاکستان کی معروف اداکارہ ہانیہ عامر کی رکشے میں سفر کرنے اور عاجزی کا درس دینے کی وائرل ویڈیو پر سوشل میڈیا پر نیا تنازع کھڑا ہو گیا ہے۔ ویڈیو میں اپنے دوست کے سوال پر کہ “اتنی بڑی اسٹار ہو کر رکشے میں سفر کیوں؟” ہانیہ عامر نے جواب دیا کہ ‘جو شاخ جھک جاتی ہے، اس پر زیادہ پھل لگتے ہیں’۔ تاہم، اداکارہ کے اس بیان پر صارفین کی جانب سے ملا جلا ردِعمل سامنے آیا ہے۔ بعض صارفین نے ان کی سادگی اور عاجزی کو سراہا، جبکہ اکثریت نے کہاوت غلط بیان کرنے پر ان کی تصحیح کرتے ہوئے لکھا کہ اصل ضرب المثل “پھلوں سے لدی شاخ ہی جھکتی ہے” ہے۔ علاوہ ازیں، کچھ صارفین نے ان کے اندازِ گفتگو کو ناپختہ قرار دیا، جبکہ ان کے مداحوں نے الفاظ کی غلطی کے بجائے پیغام کی روح کو سمجھنے کا مشورہ دیا ہے۔