امیتابھ بچن کا سرجری اور آئی سی یو میں قیام کا انکشاف، مداح تشویش میں مبتلا

بالی ووڈ کے بگ بی امیتابھ بچن کی ایک حالیہ مبہم بلاگ پوسٹ نے دنیا بھر میں ان کے کروڑوں مداحوں کو تشویش میں مبتلا کر دیا ہے۔ اپنی تحریر میں 83 سالہ اداکار نے اسپتال، سرجری، آئی سی یو (ICU) میں قیام اور گھر واپسی کے بعد کے کٹھن مراحل کا ذکر کرتے ہوئے لکھا کہ سرجری کے بعد اصل آزمائش گھر واپسی سے شروع ہوتی ہے، جہاں انسان خود کو جسمانی و ذہنی کمزوری کے سامنے کھڑا پاتا ہے۔ اگرچہ اداکار نے یہ واضح نہیں کیا کہ یہ تحریر ان کی اپنی حالیہ سرجری سے متعلق تھی یا عمومی تجربہ، تاہم پوسٹ سے ایک روز قبل ہی وہ ممبئی میں اپنے گھر کے باہر مداحوں سے روایت کے مطابق ملاقات کرتے نظر آئے تھے۔ مداح ان کی جلد صحت یابی اور درازیٔ عمر کے لیے نیک تمناؤں کا اظہار کر رہے ہیں۔