بھارتی اداکارہ شہناز گل نے راگھو جویل کے ساتھ ڈیٹنگ افواہوں پرخاموشی توڑ دی

بھارتی شوبز انڈسٹری کی مقبول اداکارہ شہناز گل نے اپنے قریبی دوست اور شریک اداکار راگھو جویل کے ساتھ ڈیٹنگ کی اڑتی افواہوں پر آخر کار اپنی خاموشی توڑ دی ہے۔ بھارتی میڈیا کے مطابق، گزشتہ ہفتے دونوں اداکاروں نے ایک سالگرہ کی تقریب میں اکٹھے شرکت کی تھی، جہاں سے واپسی پر راگھو جویل کو شہناز گل کو مداحوں کے ہجوم سے بچا کر گاڑی تک بحفاظت پہنچاتے دیکھا گیا۔ اس واقعے کی ویڈیو سوشل میڈیا پر وائرل ہونے کے بعد دونوں کے درمیان قریبی تعلقات اور ڈیٹنگ کی افواہوں نے ایک بار پھر زور پکڑ لیا تھا۔

حال ہی میں دیے گئے ایک انٹرویو کے دوران جب شہناز گل سے راگھو جویل کے ساتھ تعلقات کے بارے میں پوچھا گیا تو انہوں نے اس پر ردعمل دیتے ہوئے کہا کہ راگھو محض ان کے ایک اچھے دوست ہیں اور ان سے کوئی ذاتی نوعیت کا سوال نہ پوچھا جائے۔ شہناز گل نے انتہائی خوبصورتی سے گفتگو کا رخ موڑتے ہوئے اپنے مداحوں سے اپیل کی کہ وہ راگھو کی آنے والی نئی فلم ‘بھائی تیرا اسٹار ہے’ کو بھرپور سپورٹ کریں۔ ان کا کہنا تھا کہ راگھو کا تعلق فلم انڈسٹری سے نہیں ہے اور وہ اپنی محنت کے بلبوتے پر یہاں تک پہنچے ہیں، لہذا بطور ہیرو ان کی پہلی فلم کی کامیابی بہت ضروری ہے۔ واضح رہے کہ شہناز گل اور راگھو جویل نے سال 2023 میں سلمان خان کی فلم ‘کسی کا بھائی کسی کی جان’ میں ایک ساتھ کام کیا تھا۔