انتخابی نظام غیر اسلامی قرار دینے کی درخواست 36 سال بعد نمٹا دی گئی

انتخابی نظام کو غیر اسلامی قرار دینے سے متعلق کیس کی سماعت جسٹس شاہد وحید کی سربراہی میں پانچ رکنی شریعت اپیلٹ بنچ نے کی۔

سماعت کے دوران ایڈیشنل اٹارنی جنرل نے مؤقف اختیار کیا کہ وفاقی شرعی عدالت نے جن قوانین کی نشاندہی کی تھی وہ اب ختم ہو چکے ہیں جبکہ انتخابات کے حوالے سے الیکشن ایکٹ 2017 اس وقت نافذ العمل قانون ہے۔انہوں نے کہا ہے کہ اپیلیں مؤثر نہ رہنے کے باعث واپس لینا چاہتے ہیں۔بعدازاں سپریم کورٹ نے انتخابی نظام کو غیر اسلامی قرار دینے سے متعلق کیس میں وفاقی حکومت کی جانب سے اپیلیں واپس لینے کی درخواست منظور کرتے ہوئے معاملہ نمٹا دیا