سٹاک مارکیٹ میں اتار چڑھاؤ، ہنڈرڈ انڈیکس منفی زون میں بند ہوا

پاکستان سٹاک مارکیٹ (PSX) میں کاروباری ہفتے کے دوسرے روز کاروبار کے دوران ملا جلا رجحان دیکھنے میں آیا، تاہم مارکیٹ کا اختتام منفی زون میں ہوا۔

کاروبار کے آغاز پر سٹاک ایکسچینج میں شاندار تیزی کا رجحان دیکھا گیا اور 500 سے زائد پوائنٹس کے اضافے کے ساتھ پاکستان سٹاک مارکیٹ کا 100 انڈیکس ایک لاکھ 70 ہزار 944 پوائنٹس کی سطح پر پہنچ گیا تھا۔

تاہم، دن بھر کی ٹریڈنگ کے دوران مارکیٹ میں اچانک مندی چھا گئی جو کاروباری روز کے اختتام تک برقرار رہی۔ فروخت کے دباؤ کے باعث ہنڈرڈ انڈیکس 825 پوائنٹس کی نمایاں کمی کے بعد ایک لاکھ 69 ہزار 600 پوائنٹس کی سطح پر بند ہوا۔ واضح رہے کہ اس سے قبل گزشتہ کاروباری دن کے اختتام پر بھی 100 انڈیکس 339 پوائنٹس کی کمی سے ایک لاکھ 70 ہزار 425 پوائنٹس کی نفسیاتی حد پر بند ہوا تھا۔