LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
ہم اعتراف کرنے پر بلاول بھٹو کے مشکور ہیں: ایم کیو ایم کا چیئرمین پی پی کے بیان پر ردعمل ایران نے ’’ڈرٹی بم‘‘ سے متعلق امریکی میڈیا کی رپورٹس مسترد کردیں امریکا کا ایران پر واشنگٹن میں ڈرٹی بم حملے کی منصوبہ بندی کا الزام کراچی کسی کے باپ کی جاگیر نہیں، ہر پاکستانی کو یہاں ترقی میں حصہ لینے کا حق ہے: فاروق ستار پرویز الہٰی سے پی ٹی آئی کے ارکان اسمبلی کی ملاقات، سیاسی صورتحال پر تبادلہ خیال جامشورو کے گاؤں میں گیسٹرو اور ڈائریا کی وبا پھیل گئی، درجنوں کیسز رپورٹ مکہ دفاعی معاہدے کو ادارہ جاتی شکل دینے کیلئے نومبر میں اہم اجلاس ہوگا، ہاکان فیدان گھریلو ملازمہ فاطمہ ہلاکت کیس، شیری رحمان کا ملزموں کو قرار واقعی سزا کا مطالبہ عطا تارڑ طعنے نہ دیں، ہمت ہے تو کہیں پیپلزپارٹی کی ضرورت نہیں: شرجیل میمن میر رضا قتل کیس: جے آئی ٹی سربراہ کی اہل خانہ سے ملاقات، تفتیش میں پیشرفت سے آگاہ کیا ادویات کی بارکوڈنگ اور سیریلائزیشن لازمی قرار، ڈریپ کا اہم فیصلہ صوبوں کی تعداد 32 ہو یا 12، فیصلہ اتفاق رائے سے ہو گا: رانا ثنا اللہ اسلام آباد میں گاڑیوں کیلئے فٹنس سرٹیفکیٹ لازمی قرار، یکم دسمبر سے کریک ڈاؤن ہو گا پنجاب میں بلدیاتی انتخابات دو مراحل میں کرانے کی منظوری ابوظبی: روسی ایم ایم اے فائٹر عثمان نورماگومیدوف جیل سے رہا، جرمانے میں 50 فیصد کمی

لاہور ہائیکورٹ کا پنجاب میں تفتیش کا شکار تمام مقدمات کے اڈٹ کا حکم

Web Desk

9 July 2026

لاہور ہائیکورٹ نے پولیس کی ناقص تفتیش اور فوجداری مقدمات میں غیر معمولی تاخیر پر سخت برہمی کا اظہار کرتے ہوئے آئی جی پنجاب کو صوبہ بھر میں برسوں سے لٹکے ہوئے مقدمات کا جامع آڈٹ کرانے اور ذمہ دار افسران کا تعین کرنے کا حکم دے دیا ہے۔ ہائیکورٹ کے معزز جج جسٹس محمد طارق ندیم نے سال 2018ء کے ایک قتل کے مقدمے میں سال 2025ء میں گرفتار ہونے والے ملزم کی بعد از گرفتاری ضمانت منظور کرتے ہوئے 12 صفحات پر مشتمل تفصیلی فیصلہ جاری کیا ہے۔ عدالت عالیہ نے اپنے فیصلے میں واضح طور پر قرار دیا ہے کہ پولیس کی غفلت اور سستی کا بوجھ کسی بھی ملزم پر نہیں ڈالا جا سکتا اور تفتیش و ٹرائل میں غیر ضروری تاخیر آئین کے تحت حاصل منصفانہ ٹرائل اور بنیادی انسانی حقوق کی صریح خلاف ورزی ہے۔

عدالتی فیصلے کے مطابق، مذکورہ مقدمے میں تقریباً سات سال تک نہ تو کوئی مؤثر تفتیش کی گئی، نہ ملزم کو گرفتار کیا گیا اور نہ ہی اسے اشتہاری قرار دینے کے لیے قانونی تقاضے پورے کیے گئے۔ فیصلے میں افسوس کا اظہار کیا گیا کہ قانون پولیس کو 14 روز کے اندر تفتیش مکمل کرنے کا پابند بناتا ہے، مگر اس کیس میں چھ سال سے زائد عرصے تک کیس ڈائری بھی باقاعدگی سے تحریر نہیں کی گئی، جو قانون کی سنگین خلاف ورزی اور انتظامی نااہلی کی واضح مثال ہے۔ عدالت نے مزید آبزرویشن دی کہ تفتیشی افسر کا بنیادی فرض یکطرفہ کارروائی کے بجائے اصل حقائق اور حقیقی ملزم تک پہنچنا ہوتا ہے، جس میں ضلعی پولیس کا نگرانی کا نظام مکمل طور پر ناکام دکھائی دیا۔ عدالت نے قرار دیا کہ ٹرائل سے پہلے کسی ملزم کو غیر ضروری طور پر جیل میں رکھنا قبل از وقت سزا کے مترادف ہے، اسی بنیاد پر ملزم کی رہائی کا حکم جاری کیا گیا۔ عدالت نے فیصلے کی نقل آئی جی پنجاب کو بھجواتے ہوئے حکم دیا ہے کہ اسے صوبے کے تمام آر پی اوز، سی پی اوز اور ڈی پی اوز کو ارسال کیا جائے اور 30 روز کے اندر عملدرآمد رپورٹ لاہور ہائیکورٹ میں جمع کرائی جائے۔