صدرمملکت کرغزستان پہنچ گئے، ایئر پورٹ پر گارڈ آف آنرز پیش
Web Desk
6 July 2026
صدرِ مملکت آصف علی زرداری اپنے دو روزہ سرکاری دورے پر کرغزستان پہنچ گئے ہیں، جہاں دونوں ممالک کے درمیان برادرانہ تعلقات کو مزید مستحکم کرنے کے لیے اعلیٰ سطح کے مذاکرات ہوں گے۔
کرغزستان کے ‘اسیک کول’ ہوائی اڈے پر آمد پر کرغز صدر صادیر ژاپاروف نے صدرِ مملکت آصف علی زرداری کا خود پرتپاک استقبال کیا۔ دونوں رہنماؤں نے انتہائی گرم جوشی سے مصافحہ کیا، جبکہ ہوائی اڈے پر صدر آصف علی زرداری کو کرغزستان کی مسلح افواج کی جانب سے روایتی گارڈ آف آنر بھی پیش کیا گیا۔
اس اہم سرکاری دورے کے دوران صدر آصف علی زرداری اور کرغز صدر صادیر ژاپاروف کے درمیان ون ٹو ون اور وفود کی سطح پر ملاقاتیں ہوں گی، جن میں دوطرفہ تعلقات اور باہمی تعاون کو نئی بلندیوں پر لے جانے کے لیے مختلف شعبوں پر تفصیلی بات چیت کی جائے گی۔
دونوں رہنماؤں کے درمیان ہونے والے ان مذاکرات کے بنیادی ایجنڈے میں تجارت، سرمایہ کاری، توانائی (CASA-1000 سمیت)، معدنیات، زراعت، تعلیم، صحت، سیاحت، ڈیجیٹل معیشت اور عوامی روابط (People-to-People contacts) کا فروغ شامل ہے۔ اس کے علاوہ علاقائی امن و سلامتی اور پاکستان و کرغزستان کے دیرینہ برادرانہ تعلقات کو سٹرٹیجک شراکت داری میں بدلنے کے امور پر بھی تبادلہ خیال کیا جائے گا۔
31 سال بعد کسی پاکستانی صدر کا تاریخی دورہ واضح رہے کہ سفارتی اور سیاسی حلقوں میں اس دورے کو انتہائی اہمیت کا حامل قرار دیا جا رہا ہے۔ یہ دورہ سنہ 1995ء میں اس وقت کی وزیراعظم محترمہ بے نظیر بھٹو شہید کے تاریخی دورہ کرغزستان کے بعد کسی بھی پاکستانی صدر کا پہلا سرکاری دورہ ہے، جسے دونوں ممالک کے درمیان اعلیٰ سطح کے روابط اور وسطی ایشیائی ریاستوں کے ساتھ پاکستان کے بڑھتے ہوئے سفارتی روابط کے تسلسل کی ایک اہم کڑی مانا جا رہا ہے۔
متعلقہ عنوانات
سرمایہ کاروں اور ٹیکنالوجی ماہرین کی توجہ دبئی پر مرکوز، بلاکچین لائف کانفرنس کی تیاریاں مکمل
18 November 2026
مشرق وسطیٰ پر پھر جنگ کے سائے، کویت میں ڈرون حملے، خطرے کے سائرن بج اٹھے
18 November 2026
روس، چین اور امریکا کے صدور کی ملاقات پوری دنیا کیلئے انتہائی اہم ہے، چینی کمیونسٹ پارٹی
18 November 2026
ایک ہفتے میں یوکرین کے روس پر 2 ہزار سے زائد حملے، بچے سمیت 10 شہری ہلاک
18 November 2026
ایرانی وزیر خارجہ کی قطری نمائندوں سے ملاقات، خطے میں کشیدگی کم کرنے پر زور
18 November 2026
دبئی میں ورلڈ آرٹ 2026ء کا آغاز 19 نومبر سے، 65 ممالک کے فنکار شریک ہوں گے
18 November 2026
امریکا، اسرائیل کے فوجی اڈوں کے قریب ڈیم اور بجلی گھر ہدف تصور ہونگے: ایران
18 November 2026
آبنائے ہرمز میں ایک دن میں تیسرا آئل ٹینکر بارودی سرنگوں سے ٹکرا گیا
18 November 2026