LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
دبئی میں ورلڈ آرٹ 2026ء کا آغاز 19 نومبر سے، 65 ممالک کے فنکار شریک ہوں گے امریکا، اسرائیل کے فوجی اڈوں کے قریب ڈیم اور بجلی گھر ہدف تصور ہونگے: ایران آبنائے ہرمز میں ایک دن میں تیسرا آئل ٹینکر بارودی سرنگوں سے ٹکرا گیا پاسداران انقلاب کی قدس فورس کے کمانڈر عراقی ملیشیا کا تنازع حل کرانے عراق پہنچ گئے دبئی میں تین روزہ عالمی کانفرنس، فوڈ سیفٹی کیلئے جدید سائنسی اقدامات پر تبادلہ خیال نیتن یاہو کی حکومت کے خاتمے کی راہ مزید ہموار، حزب اختلاف کے متان کہانا سپیکر منتخب امریکی سینیٹ کمیٹی نے نئے امریکی جوہری بم بی 94 کا نام ظاہر کردیا امریکی سکیورٹی ایجنسی کا انتہائی حساس اندرونی مواصلاتی نیٹ ورک فنی خرابی کے باعث بند روس کا فوجی مال بردار طیارہ سائبیریا میں گر کر تباہ، 19 افراد ہلاک پوتن، ٹرمپ اور شی جن پنگ کی ملاقات کا کچھ حصہ میڈیا کیلئے کھولا جاسکتا ہے، کریملن دبئی میں عالمی مائننگ شو اختتام پذیر، بین الاقوامی سرمایہ کاری اور نئی شراکت داریوں پر خصوصی توجہ عالمی پولیس سربراہی اجلاس اختتامی مرحلے میں داخل، اے آئی اور جدید پولیس ٹیکنالوجی مرکزِ نگاہ روس کے مفادات نظرانداز کرکے امن مذاکرات نہیں ہو سکتے، روسی وزارت خارجہ فلائی دبئی نے ریاض اور ابہا کیلئے پروازوں کی منسوخی میں 27 نومبر تک توسیع کر دی ہم اعتراف کرنے پر بلاول بھٹو کے مشکور ہیں: ایم کیو ایم کا چیئرمین پی پی کے بیان پر ردعمل

پاکستان دہشت گردی کے خلاف ہر ضروری اقدام کا حق محفوظ رکھتا ہے: فیلڈ مارشل

Web Desk

6 July 2026

چیف آف آرمی اسٹاف جنرل سید عاصم منیر، نشانِ امتیاز (ملٹری) کی زیر صدارت جنرل ہیڈ کوارٹرز (جی ایچ کیو) میں 276 ویں کور کمانڈرز کانفرنس منعقد ہوئی، جس میں ملکی سلامتی، دہشت گردی کے خلاف جاری کارروائیوں، علاقائی صورتحال، قومی دفاع اور سیکیورٹی سے متعلق اہم امور کا تفصیلی جائزہ لیا گیا۔ کانفرنس کے آغاز میں وطنِ عزیز کے دفاع میں جانوں کا نذرانہ پیش کرنے والے شہداء کے بلند درجات کے لیے فاتحہ خوانی کی گئی۔

کور کمانڈرز کانفرنس میں افغان طالبان کے زیرِ تسلط علاقوں سے پاکستان کے خلاف بھارتی حمایت یافتہ دہشت گرد گروہوں کی منصوبہ بندی، معاونت اور مسلسل استعمال پر شدید تحفظات کا اظہار کیا گیا۔ فورم نے واضح کیا کہ خطے میں پائیدار امن اسی صورت ممکن ہے جب افغان سرزمین کو بھارتی پراکسیوں کی سرگرمیوں سے پاک رکھا جائے۔ شرکا کا کہنا تھا کہ افغان طالبان کی قیادت کی ذمہ داری ہے کہ وہ اپنے زیرِ انتظام علاقوں کو پاکستان میں دہشت گردی کے لیے استعمال نہ ہونے دیں۔

فورم نے عزم کا اعادہ کیا کہ پاکستان دہشت گردی کے خلاف اپنے عوام کے تحفظ اور قومی دفاع کا مکمل حق رکھتا ہے، اور مسلح افواج آپریشن “غضب للحق” کے تحت افغان سرحدی علاقوں سے ہونے والی دہشت گردی کے خلاف انٹیلی جنس بنیادوں پر کارروائیاں جاری رکھیں گی۔ آرمی چیف نے دہشت گردی، جرائم اور ان کی سیاسی سرپرستی کے گٹھ جوڑ کے خاتمے کے لیے متاثرہ علاقوں میں مضبوط انتظامی ڈھانچے کی ضرورت پر زور دیا۔

سندھ طاس معاہدہ اور کشمیر پر دوٹوک مؤقف آرمی چیف جنرل عاصم منیر نے سندھ طاس معاہدے سے متعلق بھارت کے حالیہ بیانات کا سخت نوٹس لیتے ہوئے واضح کیا کہ قومی سلامتی کمیٹی کی ہدایات اس معاملے پر مکمل رہنمائی فراہم کرتی ہیں اور افواجِ پاکستان حکومتی پالیسی اور عوامی امنگوں کے مطابق ملکی آبی حقوق کے تحفظ کے لیے ہر ضروری اقدام کرے گی۔ ان کا کہنا تھا کہ دشمن ’معرکۂ حق‘ میں عبرتناک شکست کے بعد ہائبرڈ وارفیئر، جھوٹے بیانیوں اور بیرونی معاونت کے ذریعے بدامنی پھیلانے کی کوشش کر رہا ہے، جسے پوری قوت سے ناکام بنایا جائے گا۔

کانفرنس میں ایک بار پھر اس دیرینہ مؤقف کا اعادہ کیا گیا کہ کشمیر پاکستان کی شہ رگ ہے اور خطے میں پائیدار امن کا انحصار کشمیری عوام کو اقوام متحدہ کی سلامتی کونسل کی قراردادوں کے مطابق ان کا حقِ خودارادیت دینے پر ہے۔ آخر میں آرمی چیف نے تمام کمانڈرز کو ہدایت کی کہ جنگ کے بدلتے ہوئے تقاضوں کے مطابق ‘ملٹی ڈومین ٹرانسفارمیشن پلان’ پر تیزی سے عمل درآمد یقینی بنایا جائے۔