مفتی منیب الرحمان ڈینگی کا شکار، نجی اسپتال میں زیرعلاج

مفتیِ اعظم پاکستان اور رویت ہلال کمیٹی کے سابق چیئرمین مفتی منیب الرحمان ڈینگی وائرس میں مبتلا ہوگئے، حالت بگڑنے پر انہیں فوری طور پر نجی اسپتال منتقل کیا گیا۔

ترجمان مفتی عبدالرزاق کے مطابق چند روز قبل ڈینگی کے باعث ان کی طبیعت تشویشناک ہوئی جس پر ڈاکٹرز نے ہنگامی طور پر اسپتال میں داخل کیا۔ ترجمان نے بتایا کہ اب مفتی منیب الرحمان کی طبیعت پہلے سے بہتر ہے اور ڈاکٹروں کی نگرانی میں علاج جاری ہے۔

انہوں نے عوام سے اپیل کی ہے کہ وہ مفتی منیب الرحمان کی جلد صحت یابی کے لیے دعا کریں۔