آیت اللہ خامنہ ای کے جنازے کے دوران حملہ ہوا تو جواب نہایت سخت ہوگا: ایران

ایران کے خاتم الانبیاء بریگیڈ نے امریکہ اور اسرائیل کو سخت ترین الفاظ میں خبردار کیا ہے کہ اگر سپریم لیڈر آیت اللہ سید علی خامنہ ای کے جنازے کے دوران کسی بھی قسم کا حملہ کیا گیا تو ایرانی ردِعمل نہایت سخت اور ہولناک ہوگا۔

خاتم الانبیاء بریگیڈ نے اپنے ایک خصوصی بیان میں کہا کہ مخالفین شہید سپریم لیڈر کے جنازے پر حملے کی حماقت کرنے سے پہلے دو بار سوچ لیں۔

رپورٹ کے مطابق، شہید سپریم لیڈر آیت اللہ علی خامنہ ای کی نمازِ جنازہ کل تہران میں ادا کی جائے گی، جس کے لیے ان کا جسدِ خاکی تہران کے جنوبی علاقے میں واقع امام خمینی حسینیہ منتقل کر دیا گیا ہے۔ اس تاریخی جنازے میں مختلف ممالک کے سربراہان سمیت 100 سے زائد ملکوں کے مندوبین شرکت کر رہے ہیں، جبکہ جلوسِ جنازہ میں ایک کروڑ سے زائد افراد کی شرکت متوقع ہے۔

جنازے کے فضائل اور تدفین کے مراحل: تہران میں نمازِ جنازہ کی ادائیگی کے بعد سپریم لیڈر کے جسدِ خاکی کو تہران سے قم، اور پھر عراق کے مقدس شہروں نجف اور کربلا لے جایا جائے گا۔ ان تمام مقامات پر عوامی الوداعی تقاریب کے بعد میت کو دوبارہ ایران لا کر مشہدِ مقدس میں سپردِ خاک کیا جائے گا۔ اس موقع پر سکیورٹی کے انتہائی سخت انتظامات کیے گئے ہیں۔