گوجرانوالہ میں 4 سالہ بچی کو گھر والوں نے جادو کے چکر میں زندہ جلاکر مار ڈالا

پنجاب کے شہر گوجرانوالہ میں جہالت اور سنگ دلی کی انتہا ہو گئی، جہاں مبینہ طور پر کالے جادو اور جن کے چکر میں آ کر سگی ماں، بہن اور بھائیوں نے مل کر اپنی ہی 4 سالہ معصوم بچی کو زندہ جلا کر موت کے گھاٹ اتار دیا۔

تفصیلات کے مطابق، یہ لرزہ خیز اور افسوسناک واقعہ گوجرانوالہ کے تھانہ اروپ کی حدود میں پیش آیا۔ پولیس کے مطابق، اس سفاکانہ واردات میں بچی کے قریبی ترین خونی رشتے دار ملوث تھے۔ سی پی او گوجرانوالہ کے فوری نوٹس پر پولیس نے برق رفتار کارروائی کرتے ہوئے واقعے میں ملوث چاروں ملزمان کو محض 4 گھنٹوں کے اندر گرفتار کر کے ان کے خلاف مقدمہ درج کر لیا ہے۔

گرفتار ہونے والے ملزمان میں مقتولہ بچی کی حقیقی والدہ لبنیٰ بی بی، دو بھائی حسیب اور منیب، اور بہن مزمل بی بی شامل ہیں۔ پولیس کی ابتدائی تفتیش کے مطابق، ملزمان نے کالا جادو اور جن کے مضحکہ خیز شبہ میں آ کر معصوم بچی کو آگ لگائی۔ پولیس حکام کا مزید کہنا ہے کہ گرفتاری کے دوران سفاک ملزمان نے پولیس ٹیم کے ساتھ شدید مزاحمت بھی کی، تاہم پولیس اہلکاروں نے پیشہ ورانہ مہارت کا مظاہرہ کرتے ہوئے چاروں ملزمان کو قابو کر کے حوالات منتقل کر دیا۔

گوجرانوالہ میں 4 سالہ بچی کو گھر والوں نے جادو کے چکر میں زندہ جلاکر مار ڈالا

Web Desk

متعلقہ عنوانات

کوئی بھی ملک پاکستان کو بنجر زمین میں تبدیل کرنے کی صلاحیت نہیں رکھتا، اس نوعیت کے خطرے کا مقابلہ کرسکتے ہیں: دفترخارجہ

وفاقی وزیر برائے بحری امور جنید انور کی ترک سرمایہ کاروں کو پاکستان کے میری ٹائم سیکٹر میں سرمایہ کاری کی دعوت

نواب شاہ: آئل ٹینکر تلے کچلے جانے سے موٹرسائیکل سوار نوجوان جاں بحق

راجن پور: سابق ایم پی اے سردار علی رضا خان دریشک کے خلاف مقدمہ درج

سرگودھا میں ڈکیتی کی واردات سے قبل 4 ڈاکو گرفتار، اسلحہ برآمد

پی ایس 30 خیرپور پر ضمنی انتخاب 16 اگست کو ہوگا، شیڈول جاری

ایئر چیف کا دورۂ بیلاروس، پاکستان دفاعی تعاون کے نئے مرحلے میں داخل