نواب شاہ: آئل ٹینکر تلے کچلے جانے سے موٹرسائیکل سوار نوجوان جاں بحق

نواب شاہ میں مین روڈ پر ایک ہولناک ٹریفک حادثہ  تیز رفتار آئل ٹینکر نے موٹرسائیکل سوار نوجوان کو  کچل کر موت کے گھاٹ اتار دیا۔

پولیس اور عینی شاہدین کے مطابق، یہ افسوسناک حادثہ آئل ٹینکر کے ڈرائیور کی مبینہ تیز رفتاری اور لاپرواہی کے باعث پیش آیا۔ حادثہ اتنا شدید تھا کہ موٹرسائیکل سوار نوجوان زخموں کی تاب نہ لاتے ہوئے موقع پر ہی دم توڑ گیا۔ واقعے کی اطلاع ملتے ہی پولیس کی بھاری نفری اور ریسکیو کی امدادی ٹیمیں فوراً جائے وقوعہ پر پہنچ گئیں۔

پولیس حکام نے امدادی ٹیموں کی مدد سے جاں بحق ہونے والے نوجوان کی لاش کو ضروری قانونی کارروائی اور پوسٹ مارٹم کے لیے قریبی ہسپتال منتقل کر دیا ہے۔ حادثے کے فوراً بعد ملزم آئل ٹینکر کا ڈرائیور گاڑی چھوڑ کر موقع سے فرار ہونے میں کامیاب ہو گیا۔ پولیس نے آئل ٹینکر کو قبضے میں لے کر مفرور ڈرائیور کی تلاش کے لیے چھاپے مارنا شروع کر دیے ہیں، اور حکام کا دعویٰ ہے کہ ملزم کو جلد ہی حراست میں لے لیا جائے گا۔