LIVE TV
Watch Now
Gold:
Intl: /g (22K) PK: /g (22K)
Stocks:
NY:
China:
Pakistan:
India:
TV ONE Logo
اہم خبریں
دنیا کے طاقتور ترین پاسپورٹس ، سنگاپور پہلے ، یو اے ای، جاپان اور جنوبی کوریا دوسرے نمبر پر انڈونیشیا میں علیحدگی پسندوں نے امریکی پائلٹ کو قتل کرکے طیارے کو آگ لگا دی پاکستان تحریک انصاف کا آزاد کشمیر کے انتخابات کے بائیکاٹ کا اعلان اپنی سرزمین کا ایک انچ بھی اسرائیل کے حوالے نہیں کریں گے؛ لبنانی صدر اسحاق ڈار اور سعودی وزیر خارجہ کا رابطہ، ایران امریکا مذاکرات میں پیش رفت پر اطمینان جنگ بندی غفلت نہیں، ایران دفاعی تیاری جاری رکھے ہوئے ہے: ترجمان ایرانی فوج لبنان اور شام کے درمیان عدم مداخلت کا معاہدہ طے پا گیا دمشق میں کیفے کے قریب کار دھماکا، 5 افراد جاں بحق، 16 زخمی ٹرمپ کا نیٹو اتحادیوں پر دفاعی اخراجات بڑھانے پر زور تھائی لینڈ میں 11 سالہ بچے کی گاڑی بدھ مت راہبوں کے قافلے پر چڑھ گئی، 8 ہلاک پٹرول کی قیمت 225 روپے فی لٹر کی جائے، حافظ نعیم الرحمان کا مطالبہ امریکا اور 12 ممالک کا آبنائے ہرمز میں بلا رکاوٹ تجارت برقرار رکھنے پر اتفاق ہیومن پلیسینٹا کیس: ایف آئی اے کی تحقیقات میں نئے انکشافات سابق وزیراعظم آزاد کشمیر پی پی پی سے علیحدگی کے بعد استحکام پاکستان پارٹی میں شامل پی ٹی آئی کی اسیر قیادت کا جیل سے چیئرمین اور سیکرٹری جنرل کو خط؛ آزاد کشمیر انتخابات میں حصہ لینے کا فیصلہ

انڈونیشیا میں علیحدگی پسندوں نے امریکی پائلٹ کو قتل کرکے طیارے کو آگ لگا دی

Web Desk

2 July 2026

ڈونیشیا کے شورش زدہ مشرقی صوبے پاپوا میں علیحدگی پسند مسلح باغیوں نے ایک مسافر طیارے پر حملہ کر کے امریکی پائلٹ کو گولی مار کر ہلاک کر دیا اور بعد میں طیارے کو آگ لگا دی۔

عالمی خبر رساں ادارے کے مطابق، انڈونیشیا کی علیحدگی پسند مسلح جماعت “ویسٹ پاپوا نیشنل لبریشن آرمی” کے ترجمان سیبی سامبوم نے اس ہولناک واقعے کی تصدیق کی ہے۔ ترجمان کے مطابق، ہلاک ہونے والے امریکی پائلٹ کی شناخت نکولس ایف گوسیلن کے نام سے ہوئی ہے۔ باغیوں نے الزام عائد کیا ہے کہ یہ طیارہ ان کی بار بار کی تنبیہ کے باوجود انڈونیشی فوجی اہلکاروں کی نقل و حمل کے لیے استعمال ہو رہا تھا، جس پر کارروائی کرتے ہوئے ضلع ہائی یاہوکیمو میں لینڈنگ کے وقت اسے نشانہ بنایا گیا۔ واقعے کے بعد جاری ویڈیو میں مسلح باغیوں کو آزادی کی تحریک کی علامت “مارننگ اسٹار” پرچم لہراتے ہوئے دیکھا جا سکتا ہے۔

دوسری جانب، انڈونیشیا کی وزارتِ ٹرانسپورٹ نے بتایا کہ یہ طیارہ وامینا سے یاہوکیمو جا رہا تھا اور لینڈنگ کے فوراً بعد اس کا رابطہ منقطع ہو گیا تھا۔ یہ ایک مقامی فضائی کمپنی کی ملکیت تھا جو دور دراز علاقوں میں خوراک، ایندھن اور دیگر ضروری سامان پہنچاتا ہے۔ انڈونیشیا کی پولیس اور فوج کے مشترکہ آپریشنز کے ترجمان یوسف سوتیجو نے ہوائی اڈے پر جلا ہوا طیارہ ملنے کی تصدیق کی ہے، تاہم ان کا کہنا ہے کہ پائلٹ کی ہلاکت اور حملے کے پیچھے علیحدگی پسندوں کے ملوث ہونے کی ابھی سرکاری تصدیق کی جا رہی ہے۔ حکام کے مطابق طیارے میں امریکی پائلٹ سمیت 8 افراد سوار تھے جن میں باقی 7 مسافر مقامی پاپوان باشندے تھے۔