پٹرول کی قیمت 225 روپے فی لٹر کی جائے، حافظ نعیم الرحمان کا مطالبہ
Web Desk
2 July 2026
امیر جماعت اسلامی حافظ نعیم الرحمان نے حکومت سے پرزور مطالبہ کیا ہے کہ عالمی منڈی میں تیل کی قیمتوں میں ہونے والی نمایاں کمی کا اصل فائدہ براہِ راست عوام تک منتقل کیا جائے اور ملک میں پٹرول کی قیمت فوری طور پر 225 روپے فی لٹر مقرر کی جائے۔
سماجی رابطے کی ویب سائٹ ‘ایکس’ (سابقہ ٹویٹر) پر جاری کردہ اپنے ایک اہم بیان میں حافظ نعیم الرحمان نے کہا کہ عالمی مارکیٹ میں خام تیل کی قیمتیں جنگ شروع ہونے سے پہلے کی سطح پر واپس آ چکی ہیں، لیکن اس کے باوجود پاکستان میں عوام کو اب بھی انتہائی مہنگا ایندھن فراہم کیا جا رہا ہے جو کہ ظلم ہے۔
امیر جماعت اسلامی نے وفاقی حکومت پر کڑی تنقید کرتے ہوئے الزام عائد کیا کہ حکومت عوام کو ریلیف دینے کے بجائے آئل مارکیٹنگ کمپنیوں کے مفادات کا تحفظ کر رہی ہے۔ انہوں نے واضح کیا کہ اس وقت پٹرولیم لیوی برقرار رکھنے کا کوئی قانونی اور اخلاقی جواز باقی نہیں رہا، اس لیے اسے فی الفور مکمل طور پر ختم کیا جائے۔
حافظ نعیم الرحمان نے اپنے بیان میں مزید مطالبہ کیا کہ پٹرولیم مصنوعات سستی کرنے کے ساتھ ساتھ ٹرانسپورٹ کے کرائے، کھانے پینے کی اشیا اور دیگر تمام ضروریاتِ زندگی کی قیمتیں بھی فوری طور پر 28 فروری کی سطح پر واپس لائی جائیں تاکہ مہنگائی کی چکی میں پسی ہوئی عوام کو حقیقی ریلیف مل سکے۔
متعلقہ عنوانات
سرمایہ کاروں اور ٹیکنالوجی ماہرین کی توجہ دبئی پر مرکوز، بلاکچین لائف کانفرنس کی تیاریاں مکمل
18 November 2026
مشرق وسطیٰ پر پھر جنگ کے سائے، کویت میں ڈرون حملے، خطرے کے سائرن بج اٹھے
18 November 2026
روس، چین اور امریکا کے صدور کی ملاقات پوری دنیا کیلئے انتہائی اہم ہے، چینی کمیونسٹ پارٹی
18 November 2026
ایک ہفتے میں یوکرین کے روس پر 2 ہزار سے زائد حملے، بچے سمیت 10 شہری ہلاک
18 November 2026
ایرانی وزیر خارجہ کی قطری نمائندوں سے ملاقات، خطے میں کشیدگی کم کرنے پر زور
18 November 2026
دبئی میں ورلڈ آرٹ 2026ء کا آغاز 19 نومبر سے، 65 ممالک کے فنکار شریک ہوں گے
18 November 2026
امریکا، اسرائیل کے فوجی اڈوں کے قریب ڈیم اور بجلی گھر ہدف تصور ہونگے: ایران
18 November 2026
آبنائے ہرمز میں ایک دن میں تیسرا آئل ٹینکر بارودی سرنگوں سے ٹکرا گیا
18 November 2026