LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
پاکستان آسیان کےساتھ تجارت سمیت مختلف شعبوں میں تعاون کا خواہاں ہے: اسحاق ڈار نظام کی اصلاح اور قومی فیصلوں کا اختیار عوام کا ہے: طارق فضل چوہدری سندھ کے شہری علاقوں کے عوام غلام نہیں: خالد مقبول صدیقی حسینہ واجد کی واپسی کے اعلان پر بنگلہ دیش میں ہنگامے، نیم فوجی اہلکار تعینات راولاکوٹ: مسلح حملے میں شہید ڈپٹی سپرنٹنڈنٹ رینجرز کی نمازِ جنازہ ادا معاون خصوصی وزیر اعلیٰ ثانیہ عاشق کا آٹزم سکول گوجرانوالہ کا دورہ میرے بھتیجے کو ناحق 60 سال سزا دی گئی، مہربانی کی جائے: شیخ رشید خیبرپختونخوا میں سکیورٹی فورسز کی کارروائیاں، فتنہ الخوارج کے 22 دہشتگرد ہلاک حوثی ملیشیا کا ریاض پر میزائل حملہ، سعودی اتحاد نے نقصان کی تصدیق کردی پاکستان اور مالدیپ کا تجارت کے فروغ کیلئے مشترکہ ورکنگ گروپ قائم کرنے پر اتفاق پاکستان شنگھائی تعاون تنظیم کے تہذیبی مکالمے میں شرکت کرے گا: دفتر خارجہ بھارت کا پانی کو بطور ہتھیار استعمال کرنا عالمی قانون کی خلاف ورزی ہے: پاکستان پاکستان سٹاک مارکیٹ میں کاروبار کے آغاز پر تیزی ٹرمپ نے ایران جنگ ختم کروانے کیلئے چین اور روس سے مدد لینے کا امکان مسترد کر دیا بلوچستان میں امن، خوشحالی، پائیدار ترقی کیلئے پاک فوج کا غیر متزلزل عزم برقرار ہے: فیلڈ مارشل

انسدادِ دہشت گردی عدالت: علیمہ خان احتجاج کیس میں محسن نقوی اور عطا تارڑ کو طلب کرنے کی درخواست پر دلائل مکمل،

Web Desk

17 June 2026

راولپنڈی کی انسدادِ دہشت گردی عدالت (ATC) میں تھانہ صادق آباد میں درج نومبر احتجاج کیس کی اہم سماعت ہوئی، جس میں علیمہ خان کے وکیل فیصل ملک نے کیس کے 21 اہم عدالتی گواہوں کو طلب کرنے کی درخواست پر اپنے تفصیلی دلائل پیش کیے۔ سماعت انسدادِ دہشت گردی عدالت کے جج امجد علی شاہ نے کی۔

وکیلِ صفائی فیصل ملک نے دفعہ 540 سی آر پی سی (CrPC) کے تحت قانونی نکتہ پیش کیا کہ عدالت انصاف کے تقاضے پورے کرنے کے لیے کسی بھی گواہ کو کسی بھی وقت طلب کرنے کا اختیار رکھتی ہے اور فراہم کردہ فہرست میں شامل تمام افراد اس کیس کے مرکزی گواہ ہیں۔ انہوں نے عدالت کو بتایا کہ 24 نومبر کے احتجاج کی کال عدلیہ کی آزادی اور آئین کی بالا دستی کے لیے تھی، جبکہ مقدمے میں علیمہ خان پر محض میڈیا سے گفتگو کا الزام ہے۔ علیمہ خان کی گفتگو سے قبل ہی یہ خبر میڈیا پر نشر ہو چکی تھی؛ جو بات پہلے ہی عوام کے پاس ہو، اسے دہرانا جرم کیسے بن سکتا ہے؟ اس لیے علیمہ خان پر لگائے گئے الزامات جھوٹے اور بے بنیاد ہیں۔ جج امجد علی شاہ نے ریمارکس دیے کہ جو دلائل آپ دے رہے ہیں، یہ تمام باتیں پہلے ہی عدالتی ریکارڈ پر موجود ہیں۔

سماعت کے دوران جب وکیلِ صفائی نے وفاقی وزراء کو طلب کرنے پر اصرار کیا، تو عدالت نے استفسار کہ وزیر داخلہ کو طلب کرنے کی کیا ضرورت ہے؟ وکیل صفائی نے جواب دیا کہ وزیر داخلہ محسن نقوی ملکی سیکیورٹی امور کے ذمہ دار ہیں اور ایک نجی چینل کے مالک بھی ہیں، ان کے پاس ایسی دستاویزات ہیں جن تک ہماری رسائی نہیں۔ عدالت نے دوبارہ سوال کیا کہ اگر عطا تارڑ اور محسن نقوی نے ایک ہی کام کیا ہے تو کسی ایک کو بلا لیں؟ جس پر وکیلِ صفائی نے مؤقف اختیار کیا کہ ہم ان حکومتی وزراء پر جرح کرنا چاہتے ہیں جو کہ ہمارا قانونی حق ہے، اور ہم ثابت کریں گے کہ 27 نومبر کو ایسا کوئی وقوعہ سرے سے پیش ہی نہیں آیا جس کا الزام لگایا گیا ہے۔ وکیلِ صفائی کے دلائل مکمل ہونے پر عدالت نے کیس کی سماعت 24 جون تک کے لیے ملتوی کر دی۔