پاکستان سٹاک مارکیٹ میں کاروبار کے آغاز پر زبردست تیزی

پاکستان سٹاک مارکیٹ میں تیزی کا ایک نیا طوفان آگیا ہے جہاں ہنڈرڈ انڈیکس تاریخ میں پہلی بار ایک لاکھ 78 ہزار پوائنٹس کی نفسیاتی اور تاریخی حد کو عبور کر گیا ہے۔ جاری کاروباری ہفتے کے دوسرے روز یعنی منگل کو مارکیٹ کے آغاز سے ہی انویسٹرز کی جانب سے زبردست جوش و خروش اور خریداری کا رجحان دیکھنے میں آیا، جس کی بدولت انڈیکس میں دیکھتے ہی دیکھتے 1400 سے زائد پوائنٹس کا زبردست اضافہ ریکارڈ کیا گیا اور پاکستان سٹاک مارکیٹ کا ہنڈرڈ انڈیکس ایک لاکھ 78 ہزار 510 پوائنٹس کی بلند ترین سطح پر پہنچ گیا۔

معاشی ماہرین کے مطابق، سٹاک مارکیٹ میں جاری یہ تاریخی تیزی بنیادی طور پر عالمی اور علاقائی سطح پر ہونے والی مثبت سفارتی پیش رفت اور پاک-امریکہ تعلقات سمیت دیگر اہم اقتصادی اعشاریوں کی وجہ سے ہے۔ واضح رہے کہ اس سے گزشتہ کاروباری روز (سوموار) کے اختتام پر بھی مارکیٹ نے شاندار پرفارمنس دکھائی تھی اور ہنڈرڈ انڈیکس 4,639 پوائنٹس کے بھاری اضافے کے ساتھ ایک لاکھ 770 ہزار 39 پوائنٹس کی سطح پر بند ہوا تھا، جو آج دوسرے دن بھی مسلسل تیزی کے ساتھ نئی بلندیوں کو چھو رہا ہے۔