پورا ملک جل رہا ہے، ووٹ کی تذلیل ہو رہی ہے: محمود خان اچکزئی
Web Desk
10 June 2026
اسلام آباد: قومی اسمبلی کے اجلاس میں اپوزیشن لیڈر محمود خان اچکزئی نے ملک کی سیاسی صورتحال پر شدید تنقید کرتے ہوئے کہا ہے کہ ملک کے مختلف حصوں میں کشیدگی اور بدامنی بڑھتی جا رہی ہے۔
انہوں نے کہا کہ ووٹ کو عزت دینے کا نعرہ لگانے والے آج خود ووٹ کی تذلیل کر رہے ہیں اور آئین کی بالادستی کا دعویٰ کرنے والی جماعتیں آئینی اصولوں کی خلاف ورزی کر رہی ہیں۔
محمود خان اچکزئی نے کہا کہ کشمیر کی صورتحال انتہائی تشویشناک ہے جبکہ ملک میں ایسے حالات پیدا ہو رہے ہیں جن میں امن و امان کی صورتحال غیر یقینی ہوتی جا رہی ہے۔
انہوں نے کہا کہ بلوچستان میں احتجاج اور ہڑتال کی کال دی گئی ہے جبکہ گلگت بلتستان کے انتخابات میں بعض سیاسی جماعتوں کو حصہ لینے سے روکا گیا ہے۔
اپوزیشن لیڈر نے کہا کہ پورے ملک میں خونریزی اور کشیدگی کا ماحول ہے جبکہ عوامی مسائل پر توجہ نہیں دی جا رہی۔
انہوں نے کہا کہ ملک کے آئینی ڈھانچے کے بغیر نظام حکومت چلانا ممکن نہیں اور سیاسی قیادت کو حالات کی سنگینی کا احساس کرنا چاہیے۔
محمود خان اچکزئی نے کہا کہ حکومت اپنی پوزیشن کو مضبوط سمجھ رہی ہے لیکن زمینی حقائق اس کے برعکس ہیں۔
متعلقہ عنوانات
پاکستان اور ترکیہ کی دوستی کے نئے باب کا آغاز، توانائی کے معاہدوں پر دستخط
20 November 2026
کیمرے والے اسمارٹ گلاسز کی درآمد کیلئے مشروط اجازت مل گئی
20 November 2026
الیکشن کمیشن: عطاء تارڑ کیخلاف ضابطۂ اخلاق کی خلاف ورزی کیس کا فیصلہ محفوظ
20 November 2026
چاند کی مٹی میں آلو اگانے کا کامیاب تجربہ
20 November 2026
بابا گرونانک کے 557 ویں جنم دن کی تقریبات، 3 ہزار سکھ یاتریوں کو ویزے جاری
20 November 2026
سری لنکا کے خلاف ٹیسٹ سیریز میں کامیابی، وزیراعظم شہباز شریف کی قومی ٹیم کو مبارکباد
20 November 2026
علیمہ خان کی نظر بندی سے متعلق درخواست جلد سماعت کے لیے منظور
20 November 2026
چھوٹے صوبے یا بادشاہتیں اور ان پر ایک شہنشاہ، ایسے ملک نہیں چلے گا: سعد رفیق
20 November 2026