پاکستان سٹاک مارکیٹ میں کاروبار کے دوران اتار چڑھاؤ

کراچی: پاکستان سٹاک ایکسچینج (PSX) میں کاروباری ہفتے کے تیسرے روز شدید اتار چڑھاؤ کا سلسلہ دیکھا گیا، جہاں بنچ مارک کے ایس ای 100 انڈیکس نے ایک ہی سیشن میں بڑی گراوٹ کے بعد شاندار واپسی کی۔ کاروبار کے آغاز پر مارکیٹ میں شدید منفی رجحان غالب رہا، جس کے باعث انڈیکس 800 سے زائد پوائنٹس گر کر 1 لاکھ 69 ہزار 455 کی سطح پر آ گیا۔ تاہم، ٹریڈنگ کے دوران مارکیٹ اچانک مثبت زون میں واپس آئی اور خریداروں کی دلچسپی کے باعث ابتدائی تمام نقصانات کا ازالہ کرتے ہوئے 300 سے زائد پوائنٹس کے اضافے کے ساتھ 1 لاکھ 70 ہزار 729 پوائنٹس کی سطح پر پہنچ گئی۔ واضح رہے کہ گزشتہ کاروباری دن کے اختتام پر ہنڈرڈ انڈیکس 1 لاکھ 70 ہزار 330 پوائنٹس پر بند ہوا تھا۔