پاکستان سٹاک مارکیٹ میں کاروبار کے آغاز پر مثبت رجحان

پاکستان اسٹاک مارکیٹ میں ہفتے کے چوتھے کاروباری روز زبردست تیزی اور مثبت رجحان دیکھنے میں آیا ہے۔ تجارتی سیشن کے آغاز پر ہی کے ایس ای-100 انڈیکس میں 400 سے زائد پوائنٹس کا نمایاں اضافہ ریکارڈ کیا گیا، جس کے بعد انڈیکس 1 لاکھ 66 ہزار 169 پوائنٹس کی سطح پر پہنچ گیا۔ واضح رہے کہ گزشتہ کاروباری روز کے اختتام پر بھی اسٹاک ایکسچینج میں زبردست تیزی دیکھی گئی تھی، جہاں 1269 پوائنٹس کے اضافے کے ساتھ ہنڈرڈ انڈیکس 1 لاکھ 65 ہزار 736 پوائنٹس کی سطح پر بند ہوا تھا۔ مارکیٹ کے مثبت اشاریے سرمایہ کاروں کے اعتماد کی بحالی کو ظاہر کرتے ہیں۔