سلطان بمقابلہ شیطان، وسیم اکرم کی جمرات میں ان سوئنگ انداز سے رمی کی ویڈیو وائرل

سوشل میڈیا پر پاکستان کے سابق لیجنڈ فاسٹ بولر وسیم اکرم کی ایک ویڈیو تیزی سے وائرل ہو رہی ہے جس میں وہ جمرات میں رمی کے دوران اپنے مخصوص بولنگ اسٹائل میں کنکریاں مارتے نظر آ رہے ہیں۔
تفصیلات کے مطابق وسیم اکرم ان دنوں فریضہ حج کی سعادت حاصل کرنے کے لیے سعودی عرب میں موجود ہیں۔ جمرات میں رمی کے دوران ان کا منفرد انداز شائقین کی خصوصی توجہ کا مرکز بن گیا۔
ویڈیو میں انہیں اپنے مشہور ان سوئنگ بولنگ انداز میں کنکریاں مارتے ہوئے اور بعد ازاں خوشی کا اظہار کرتے ہوئے دیکھا جا سکتا ہے۔
واضح رہے کہ رواں برس وسیم اکرم سمیت کئی سابق کھلاڑیوں اور شوبز شخصیات نے بھی حج کی سعادت حاصل کی ہے