LIVE TV
Watch Now
Gold:
Intl: /g (22K) PK: /g (22K)
Stocks:
NY:
China:
Pakistan:
India:
TV ONE Logo
اہم خبریں
2سال میں پیٹرولیم لیوی سے 2 ہزار 725 ارب وصول، رقم آئی ایم ایف کے 2 قرض پروگراموں سے بھی زیادہ نکلی پاکستان کی پہلی شیڈو پالیسی دستاویزات جاری، نجی شعبے کی ترقی پر زور فیلڈ مارشل نے مذاکرات نتیجہ خیز بنانے میں کلیدی کردار ادا کیا: امریکی ٹی وی اسلام آباد: وزیرِ خزانہ محمد اورنگزیب سے برطانوی ہائی کمشنر جین میریٹ کی ملاقات پاکستان اور چین کے درمیان مختلف شعبوں میں تعاون کی 15 دستاویزات پر دستخط امریکا کے ساتھ فریم ورک پر پہنچ گئے، وفد ابھی پاکستان بھیجنے کا ارادہ نہیں: ایران پاکستان اور چین کا قومی مفادات پر ایک دوسرے کی مکمل حمایت کا اعلان ٹانک: چیسن کچ میں دہشت گردی، نامعلوم افراد نے مڈل اسکول اور بنیادی ہیلتھ مرکز (BHU) کو دھماکے سے اڑا دیا وزیر مذہبی امور کی سعودی ہم منصب سے ملاقات، حج سے متعلق امور پر گفتگو وزیراعظم کو عوامی ہال میں چینی ہم منصب کا پرتپاک استقبالیہ، گارڈ آف آنر پیش پاکستانی نژاد برطانوی باکسر حمزہ شیراز عالمی چیمپئن بن گئے سٹاک مارکیٹ میں زبردست تیزی، انڈیکس ایک لاکھ 71 ہزار پوائنٹس کی حد پر بحال عوامی ٹرانسپورٹ میں اوورچارجنگ، اوورلوڈنگ کیخلاف سخت کارروائی کا حکم امریکا،ایران معاہدے کو حتمی شکل دینے میں چند دن لگ سکتے ہیں: امریکی میڈیا سوات ایکسپریس وے پر وین کی بس کو ٹکر، 11 افراد جاں بحق، 7 زخمی

امریکا سفارتکاری کے دوران بھی ایران پر نئے حملوں کی تیاری کر رہا ہے: امریکی ٹی وی

Web Desk

23 May 2026

سفارتی سطح پر جاری تمام تر کوششوں کے باوجود امریکا نے ایران پر نئے حملوں کی تیاریاں شروع کر دی ہیں۔ امریکی ٹی وی ‘سی بی ایس نیوز’ نے منصوبہ بندی سے باخبر ذرائع کے حوالے سے رپورٹ کیا ہے کہ صدر ڈونلڈ ٹرمپ کی انتظامیہ ایران کے خلاف نئی عسکری کارروائی کے لیے ہوم ورک مکمل کر رہی ہے، تاہم اس حوالے سے ابھی حتمی فیصلہ سامنے نہیں آیا۔ صورتحال کی سنگینی کا اندازہ اس بات سے لگایا جا سکتا ہے کہ صدر ٹرمپ نے سوشل میڈیا پر اپنے ایک بیان میں اعلان کیا ہے کہ وہ حکومتی مصروفیات کے باعث اپنے بیٹے ڈونلڈ ٹرمپ جونیئر کی شادی میں شرکت نہیں کر سکیں گے۔ صدر ٹرمپ اپنا ویک اینڈ نیو جرسی میں واقع اپنے گولف ریزورٹ پر گزارنے والے تھے، لیکن اب وہ ہنگامی طور پر وائٹ ہاؤس واپس پہنچ رہے ہیں۔

دوسری جانب، انٹیلی جنس اور عسکری ذرائع کا کہنا ہے کہ ممکنہ حملوں اور سیکیورٹی خطرات کے پیشِ نظر امریکی فوج اور انٹیلی جنس کمیونٹی کے متعدد اعلیٰ حکام نے اپنے تعطیلات کے منصوبے منسوخ کر دیے ہیں۔ دفاعی حکام اس وقت مشرقِ وسطیٰ میں ممکنہ ایرانی ردعمل کے خدشات اور خطے میں امریکی فوجی موجودگی کو کم کرنے کی پالیسی کے تحت افواج کے جزوی انخلا کے ساتھ ساتھ بیرونِ ملک اڈوں پر ‘اسٹینڈ بائی’ (مستعد) فوجیوں کی فہرستوں کو اپ ڈیٹ کر رہے ہیں۔ واضح رہے کہ رواں سال اپریل کے اوائل میں ہونے والی عارضی جنگ بندی کے بعد سے دونوں ممالک نے ایک دوسرے پر براہِ راست حملوں سے گریز کیا تھا تاکہ بالواسطہ مذاکرات کو موقع مل سکے۔ تاہم، وائٹ ہاؤس کی ترجمان اینا کیلی نے امریکی عزم کا اعادہ کرتے ہوئے واضح کیا ہے کہ صدر ٹرمپ کی ‘ریڈ لائنز’ بالکل واضح ہیں؛ ایران کو کسی صورت جوہری ہتھیار حاصل کرنے کی اجازت دی جائے گی اور نہ ہی وہ اپنی افزودہ یورینیم برقرار رکھ سکتا ہے۔