LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
ربیعہ احسن قتل کیس میں اہم پیشرفت، اہل خانہ نے ملزم کو معاف کر دیا ڈیفنس میں 11 سالہ گھریلو ملازم پر تشدد، گرم چائے کی پتیلی الٹ دی گئی روہنگیا میں مسلمانوں کو قتل عام اور جنسی تشدد کا نشانہ بنایا گیا،عالمی عدالت انصاف سٹاک مارکیٹ میں تیزی، کاروبار کا مثبت رجحان رہا جے یو آئی رہنماؤں کے خلاف مقدمہ، مفتی ابرار احمد کو وارنٹ کی تعمیل کروا دی عالمی و مقامی سطح پر سونے چاندی کی قیمتوں میں کمی امریکی، چینی اور روسی صدور کی چین میں تاریخی ملاقات، سرد جنگ کی ذہنیت ترک کرنے پر زور جنگ کے طریقے تبدیل، مسلح افواج جدید تقاضوں کے مطابق تیار ہیں: نیول چیف کوئٹہ: مسافر کوچ اور ایل پی جی باؤزر میں تصادم، خاتون اور بچے سمیت 10 افراد جاں بحق پارٹی کیخلاف ہتک آمیز بیانات، مرکزی مسلم لیگ کا عظمیٰ بخاری کو ہرجانے کا نوٹس مریم نواز نے سی ایم سولر پینل سکیم فیز ٹو کی منظوری دے دی شمالی وزیرستان میں فورسز کا کامیاب سرچ آپریشن، بارودی مواد کا بڑا ٹھکانہ تباہ عدالت کا 15 روز میں نادرا ای بیلٹنگ کا عمل مکمل کرنے کا حکم ایشیا پیسیفک کی ترقی کیلئے آزاد تجارت اور معاشی انضمام ضروری ہے: چینی صدر چترال: پاک فوج اور فرنٹیئر کور کے زیر اہتمام فری میڈیکل کیمپ کا انعقاد

قومی اسمبلی کا اجلاس؛ جبری برطرفیوں پر صحافیوں کا پریس گیلری سے واک آؤٹ،

Web Desk

22 May 2026

قومی اسمبلی کے حالیہ اجلاس کے دوران صحافیوں کی جبری برطرفیوں، تنخواہوں کی عدم ادائیگی اور بڑھتی ہوئی ملک گیر مہنگائی کے معاملات گونج اٹھے۔ اجلاس کے دوران پارلیمنٹ ہاؤس کی پریس گیلری سے صحافیوں اور رپورٹرز نے اپنی مانگوں کے حق میں ایک مرتبہ پھر علامتی واک آؤٹ کیا۔

اجلاس میں اراکینِ اسمبلی نے نقطۂ اعتراض پر ایوان میں اظہارِ خیال کرتے ہوئے ان سنجیدہ مسائل پر حکومت کی توجہ مبذول کروائی۔

پاکستان پیپلز پارٹی (پی پی پی) کی رہنما شازیہ مری نے صحافیوں کے واک آؤٹ پر آواز اٹھاتے ہوئے کہا کہ میڈیا ورکرز کی تنخواہوں کی عدم ادائیگی اور انہیں ملازمتوں سے برخاست کرنے کے عمل کو خالصتاً انسانی بنیادوں پر دیکھا جانا چاہیے۔ انہوں نے اصرار کیا:

“یہ ایک انتہائی سنگین اور درپیش مسئلہ ہے۔ ماضی میں رپورٹرز کی تھوڑی حوصلہ افزائی کی گئی تھی لیکن متعلقہ وزارت اپنے کیے گئے اعلانات سے پیچھے ہٹ گئی۔ حکومت کو یہ یاد رکھنا چاہیے کہ صحافی بھی عام محنت کش اور مزدوروں کی طرح ہیں، ان کا معاشی استحصال بند ہونا چاہیے۔”

اس پر حکومتی بینچوں کی جانب سے وفاقی وزیر طارق فضل چوہدری نے جواب دیتے ہوئے ایوان اور صحافیوں کو یقین دہانی کروائی کہ میڈیا ورکرز کے ساتھ کوئی زیادتی نہیں ہونے دی جائے گی۔ انہوں نے کہا کہ وفاقی وزیرِ اطلاعات عطاء اللہ تارڑ اس حوالے سے خود بہت فعال ہیں اور صحافتی تنظیموں کے ساتھ مل کر ان کے مسائل کے حل کے لیے کوشاں ہیں۔دوسری جانب، اپوزیشن کے رکنِ قومی اسمبلی شبیر علی قریشی نے ملک کی معاشی صورتحال اور مہنگائی پر حکومت کو سخت آڑے ہاتھوں لیا۔ انہوں نے ایوان میں اظہارِ خیال کرتے ہوئے کہا کہ بے لگام مہنگائی کی وجہ سے پاکستان کا ہر عام شہری اس وقت شدید ذہنی و معاشی کرب میں مبتلا ہے۔

ان کا کہنا تھا کہ ملک کی معیشت مکمل طور پر زمین بوس ہو چکی ہے، پیٹرول کی قیمتیں 400 روپے سے اوپر چلی گئی ہیں جس کے باعث غریب اور سفید پوش لوگ اب اپنے بچوں کے بجلی کے بل جمع کرانے اور اسکولوں کی فیسیں ادا کرنے سے بھی قاصر ہو چکے ہیں۔ انہوں نے حکومت سے مطالبہ کیا کہ وہ پریس اور عوام دونوں کو فوری ریلیف فراہم کرنے کے لیے ہنگامی اقدامات کرے۔