بجلی بل پر کیو آر کوڈ کی آڑ میں صارفین کی معلومات چوری ہونے کا خدشہ
Web Desk
22 May 2026
وفاقی وزارتِ توانائی (پاور ڈویژن) نے بجلی کے بلوں پر موجود کیو آر کوڈ (QR Code) کی آڑ میں صارفین کی انتہائی حساس اور ذاتی معلومات چوری ہونے کا بڑا خدشہ ظاہر کیا ہے۔ اس سلسلے میں پاور ڈویژن نے ملک بھر کے بجلی صارفین کو سائبر جرمان اور ڈیٹا ہیکنگ سے بچانے کے لیے ایک ہنگامی اور اہم ترین ایڈوائزری (Advisory) جاری کر دی ہے۔
پاور ڈویژن کی جانب سے جاری کردہ تفصیلات کے مطابق، کچھ بدعنوان اور جرائم پیشہ عناصر بجلی صارفین کو دھوکہ دینے کے لیے بلوں پر جعلی کیو آر کوڈز یا سوشل میڈیا پر مختلف لنکس کا استعمال کر رہے ہیں۔ اس دھوکہ دہی کے طریقہ کار کے تحت صارفین کو ایک مخصوص لنک پر کلک کرنے کی ترغیب دی جاتی ہے، جہاں انہیں چار مختلف مراحل (Stages) میں اپنی ذاتی اور مالی معلومات شیئر کرنے کا کہا جاتا ہے۔ معلومات درج کرنے کے بعد، صارفین سے اسی لنک پر 6 ہندسوں والا سیکیورٹی کوڈ (OTP) درج کرنے کا مطالبہ کیا جاتا ہے، جس کے ذریعے ہیکرز صارفین کے بینک اکاؤنٹس یا دیگر ڈیجیٹل ڈیٹا تک رسائی حاصل کر لیتے ہیں۔
پاور ڈویژن نے واضح الفاظ میں الرٹ جاری کرتے ہوئے کہا ہے کہ بجلی کے بل کے علاوہ اس سے متعلقہ کوئی بھی معلومات کسی دوسرے غیر متعلقہ پلیٹ فارم یا ویب سائٹ پر درج نہیں ہو سکتیں، اور معلومات کے اندراج کا یہ رائج کیا جانے والا طریقہ کار سراسر غلط، جعلی اور غیر قانونی ہے۔ بعض عناصر ان کیو آر کوڈز کو استعمال کر کے اپنے مذموم مقاصد اور شہریوں کو مالی نقصان پہنچانا چاہتے ہیں۔
ایڈوائزری میں مزید بتایا گیا ہے کہ پاور ڈویژن نے اس اسکیم اور اس کے پیچھے سرگرم جرائم پیشہ عناصر کے بارے میں وفاقی تحقیقاتی اداروں اور قانون نافذ کرنے والے دیگر اداروں کو باقاعدہ آگاہ کر دیا ہے تاکہ ان کے خلاف فوری ایکشن لیا جا سکے۔ پاور ڈویژن نے صارفین کو سخت ہدایت کی ہے کہ حکومت کی جانب سے بجلی کے بلوں پر دی جانے والی کسی بھی قسم کی سبسڈی (Subsidy) کے حصول کے لیے کسی بھی غیر تصدیق شدہ ڈیجیٹل آلات، نامعلوم لنکس، یا کسی سادہ کاغذ پر اپنی معلومات ہرگز درج نہ کریں اور ایسے کسی بھی پیغام کی فوری رپورٹ کریں۔
متعلقہ عنوانات
یورپی یونین پاکستان کا مضبوط تجارتی شراکت دار ہے: اسحاق ڈار
9 July 2026
فارن فنڈنگ کیس: چالان کی اسکروٹنی مکمل، بانی پی ٹی آئی و دیگر کے خلاف سماعت 7 ستمبر تک ملتوی
9 July 2026
بہتر کارکردگی سے میری ٹائم سیکٹر میں پاکستان کا درجہ 30 فیصد بلند ہوا: افتخار احمد راؤ
9 July 2026
وزیراعظم سے کروشین وزیر خارجہ کی ملاقات، باہمی تعاون کے فروغ پر اتفاق
9 July 2026
بلوچستان میں کشیدگی برقرار: کوئٹہ میں 17 پولیس شہدا کی میتوں کے ہمراہ دوسرا دھرنا شروع، اہم شاہراہیں بند
9 July 2026
حکومتِ پنجاب اور امریکن قونصلیٹ لاہور کا کلچر کے شعبے میں تعاون بڑھانے پر اتفاق
9 July 2026
نائب وزیراعظم اسحاق ڈار کا اہم اجلاس، اقتصادی سفارت کاری اور فعال خارجہ پالیسی کو وقت کی ضرورت قرار دے دیا
9 July 2026
ملکی تاریخ کا نیا ریکارڈ: مالی سال 26ء میں سمندر پار پاکستانیوں نے 41.6 ارب ڈالر وطن بھیج دیے
9 July 2026