ملک بھر میں ایل این جی مہنگی، اوگرا نے قیمتوں میں 28 فیصد اضافہ کر دیا

ملک بھر میں ایل این جی کی قیمتوں میں نمایاں اضافہ کر دیا گیا ہے، جس کے تحت قیمتوں میں مجموعی طور پر 28 فیصد تک اضافہ ریکارڈ کیا گیا ہے۔

اوگرا کی جانب سے مئی کے لیے ایل این جی کی نئی قیمتوں کا باضابطہ نوٹیفکیشن جاری کر دیا گیا ہے۔

نوٹیفکیشن کے مطابق سوئی سدرن کے نظام پر ایل این جی کی قیمت میں 3.51 ڈالر فی ایم ایم بی ٹی یو اضافہ کیا گیا ہے، جس کے بعد نئی قیمت 16.04 ڈالر فی ایم ایم بی ٹی یو مقرر کی گئی ہے۔

اسی طرح سوئی نادرن کے نظام پر ایل این جی 3.43 ڈالر فی ایم ایم بی ٹی یو مہنگی کی گئی ہے، جس کے بعد نئی قیمت 16.98 ڈالر فی ایم ایم بی ٹی یو مقرر ہو گئی ہے۔

اوگرا کے مطابق یہ اضافہ عالمی اور درآمدی قیمتوں میں تبدیلی کے اثرات کے باعث کیا گیا ہے۔