پاکستان سٹاک ایکسچینج میں ٹریڈنگ کا گرین زون میں آغاز

پاکستان اسٹاک ایکسچینج (PSX) میں کاروباری ہفتے کے آخری روز بھی زبردست تیزی اور مثبت رجحان کا سلسلہ برقرار ہے، جہاں انویسٹرز کے زبردست اعتماد کے باعث مارکیٹ نے ایک اور نیا سنگِ میل عبور کر لیا ہے۔

کاروباری ہفتے کے پانچویں اور آخری روز (جمعہ) جیسے ہی ٹریڈنگ کا آغاز ہوا، تو انویسٹرز کی جانب سے جارحانہ خریداری دیکھنے میں آئی۔ ابتدائی سیشن کے دوران ہی بینچ مارک کے ایس ای 100 انڈیکس (KSE-100 Index) میں 1,000 سے زائد پوائنٹس کا شاندار اضافہ ریکارڈ کیا گیا، جس کی بدولت انڈیکس تاریخ میں پہلی بار 1 لاکھ 69 ہزار 624 پوائنٹس کی بلند ترین سطح پر پہنچ گیا۔

معاشی تجزیہ کاروں کے مطابق، مارکیٹ میں جاری یہ ریکارڈ ساز تیزی گزشتہ روز کے مثبت تسلسل کا حصہ ہے۔ واضح رہے کہ گزشتہ کاروباری دن کے اختتام پر اسٹاک ایکسچینج کا ہنڈرڈ انڈیکس 1 لاکھ 68 ہزار 514 پوائنٹس کی سطح پر بند ہوا تھا، اور آج صبح مارکیٹ نے وہیں سے اپنی اڑان دوبارہ شروع کی ہے۔

مارکیٹ بروکراڑز کا کہنا ہے کہ خطے میں جیو پولیٹیکل کشیدگی کم ہونے کی امیدوں اور مستحکم معاشی اشاریوں کی وجہ سے مقامی اور غیر ملکی سرمایہ کار بڑے پیمانے پر شیئرز کی بائنگ (Buying) کر رہے ہیں، جس سے پاکستان کیپٹل مارکیٹ میں تیزی کا یہ تاریخی سفر بلاتعطل جاری ہے۔