LIVE TV
Watch Now
Gold:
Intl: /g (22K) PK: /g (22K)
Stocks:
NY:
China:
Pakistan:
India:
TV ONE Logo
اہم خبریں
فرانس اور یورپ میں جان لیوا ہیٹ ویو کی اصل وجہ ‘اومیگا بلاک’! آخر یہ کیا ہے؟ پہاڑی اور بالائی علاقوں میں گلیشئر پگھلنے اورممکنہ خطرات کا الرٹ جاری کردیا گیا۔ جاپان میں دوہرے سمندری طوفان اور شدید بارشیں, سیلاب اور لینڈ سلائیڈنگ کا ہائی الرٹ، پروازیں اور ٹرینیں معطل چیف جسٹس آئینی عدالت کا دورہ روس، لیگل فورم میں شرکت، عدالتی تعاون پر تبادلہ خیال ایرانی حکومت بھی قاسم سلیمانی سے خوف زدہ تھی، ڈونلڈ ٹرمپ کا دعویٰ سرگودھا زیادتی کرکے 14 سالہ لڑکے کو زندہ دفن کرنے والے 2 ملزمان گرفتار وینزویلا کے اثرات، بلوچستان میں کل سے اب تک 5 زلزلے ریکارڈ، مزید جھٹکوں کا امکان ٹرمپ کا 4 جولائی کو یومِ آزادی پر امریکی تاریخ کے سب سے بڑے اور منفرد ایئر شو کا اعلان عالمی منڈی میں خام تیل کی قیمت میں مزید ساڑھے چار فیصد کی کمی کالعدم عوامی ایکشن کمیٹی کا مالیاتی نیٹ ورک بے نقاب، متعدد افراد گرفتار پاکستان میں 60 دن کے اندر ادویات پر بارکوڈ متعارف کرایا جائے گا، مصطفیٰ کمال عالمی و مقامی سطح پر سونے چاندی کی قیمتوں میں کمی امریکا نے زلزلے سے متاثر وینزویلا پر سے پابندیاں اُٹھالیں عمران خان کو 22 اور بشریٰ بی بی کو 24 گھنٹے قیدِ تنہائی میں رکھا جاتا ہے، علیمہ خان امریکی پاسپورٹ کے اعزازی ڈیزائن پر ٹرمپ کی تصویر توجہ کا مرکز بن گئی

الاسکا کے شہر اتقیاگوِک میں 64 دن کی قطبی رات کا آغاز ، سورج اگلے سال تک غائب رہے گا

Web Desk

25 November 2025

امریکی ریاست الاسکا کے سب سے شمالی شہر اتقیاگوِک (Utqiaġvik) میں قطبی رات (Polar Night) کا منفرد اور حیران کن موسم شروع ہوچکا ہے، جہاں سورج نے آخری بار افق پر جھلک دکھا کر 64 دن کے لیے رخصت لے لی۔ اب یہ خطہ 22 جنوری 2026 تک سورج کی روشنی سے محروم رہے گا۔

زمین کے محور کے جھکاؤ کے باعث اتقیاگوِک میں ہر سال دو ماہ سے زائد عرصہ سورج افق سے اوپر نہیں آ پاتا۔ تاہم اس دوران شہر مکمل اندھیرے میں نہیں ڈوبتا، بلکہ روزانہ چند گھنٹے ’’سِوِل ٹوائلائٹ‘‘ نامی ہلکی نیلی روشنی چھائی رہتی ہے بالکل ویسی جیسے طلوعِ آفتاب سے پہلے کی دھیمی چمک۔

تقریباً 4,400 آبادی پر مشتمل یہ دور دراز بستی فیئر بینکس سے 500 میل کے فاصلے پر واقع ہے۔ اس علاقے میں پانچویں صدی عیسوی کے قدیم آثار بھی ملتے ہیں، جو اسے تاریخی طور پر بھی منفرد شناخت دیتے ہیں۔

سورج کی طویل غیر موجودگی خطے کو اندھیرے کے ساتھ ساتھ شدید سرد ہواؤں، برفانی درجۂ حرارت اور تیز رفتار موسمی تبدیلیوں کی لپیٹ میں لے آتی ہے۔ قطبی رات کے دوران ٹمپریچر خطرناک حد تک نیچے چلا جاتا ہے، اور اسی ماحول میں ’’پولر ورٹیکس‘‘ جیسے برفانی کم دباؤ کے نظام بنتے ہیں جو کبھی کبھار جنوبی علاقوں تک بھی اثر چھوڑ دیتے ہیں۔

دلچسپ امر یہ ہے کہ یہی شہر گرمیوں میں تقریباً تین ماہ تک سورج کی مسلسل روشنی میں نہایا رہتا ہے، اور اسی دوران بیرو ہائی اسکول کی امریکا کی سب سے شمالی فٹ بال ٹیم اپنا سیزن مکمل روشنی میں کھیلتی ہے۔

الاسکا کا یہ حیرت انگیز موسمی سفر ایک بار پھر جاری ہے، اور اتقیاگوِک تاریکی سے روشنی کے اس سالانہ غیر معمولی چکر میں داخل ہوچکا ہے۔