امریکا میں سائبر حملوں کے بعد ہیکرز سے ڈیٹا کی واپس کیلئے رابطے شروع

تعلیمی پلیٹ فارم کینوس (Canvas LMS) پر ایک بڑے سائبر حملے کے بعد امریکہ بھر کے اسکولوں اور جامعات نے ہیکرز سے رابطے شروع کر دیے ہیں تاکہ لاکھوں طلبہ کا چوری شدہ ڈیٹا انٹرنیٹ پر لیک ہونے سے بچایا جا سکے۔

ذرائع کے مطابق، بدنامِ زمانہ ہیکنگ گروپ ‘ShinyHunters’ نے کینوس کے ڈیٹا بیس سے تقریباً 6.65 ٹیرا بائٹ ڈیٹا چوری کرنے کا دعویٰ کیا ہے۔ اس ڈیٹا میں 9 ہزار کے قریب تعلیمی اداروں سے وابستہ طلبہ کے نام، ای میل ایڈریسز اور نجی پیغامات شامل ہیں۔ اس سائبر حملے نے امتحانات اور اسائنمنٹس کے سیزن میں طلبہ اور اساتذہ کے لیے شدید مشکلات پیدا کر دی ہیں۔

فیڈرل بیورو آف انوسٹی گیشن (FBI) نے امریکی تعلیمی نظام پر اس حملے کی تصدیق کی ہے، حالانکہ انہوں نے اپنی رپورٹ میں براہِ راست پلیٹ فارم کا نام نہیں لیا۔ دوسری جانب کینوس کی پیرنٹ کمپنی ‘انسٹرکچر’ (Instructure) نے ایک بیان میں کہا ہے کہ تکنیکی مسئلے کو حل کر کے سروسز بحال کر دی گئی ہیں۔