مائیکل جیکسن کی بادشاہت آج بھی برقرار، اسٹریمنگ دنیا کے نمبر ون آرٹسٹ بن گئے

مائیکل جیکسن کی زندگی پر مبنی فلم ’’مائیکل‘‘ کی عالمی کامیابی نے ان کے کلاسک گانوں کو نئی نسل میں دوبارہ مقبول بنا دیا ہے، جس کی بدولت وہ عالمی اسٹریمنگ چارٹس پر پہلے نمبر پر پہنچ گئے ہیں۔ مئی 2026 کی عالمی ڈیجیٹل آرٹسٹ رینکنگ میں مائیکل جیکسن نے 11157 پوائنٹس کے ساتھ پہلی پوزیشن حاصل کی، جبکہ انہوں نے ٹیلر سوئفٹ اور جسٹن بیبر جیسے بڑے ناموں کو نمایاں فرق سے پیچھے چھوڑ دیا۔ وہ شازم، یوٹیوب اور آئی ٹیونز سمیت کئی بڑے پلیٹ فارمز پر سرفہرست ہیں۔