پاکستان کا تجارتی خسارہ 31 ارب ڈالر سے تجاوز کر گیا؛ برآمدات میں کمی اور درآمدات میں اضافہ

رواں مالی سال کے پہلے دس ماہ میں پاکستان کا تجارتی خسارہ بڑھ کر 31 ارب 98 کروڑ 80 لاکھ ڈالر تک پہنچ گیا ہے، جبکہ گزشتہ برس اسی مدت میں یہ خسارہ 24 ارب 59 کروڑ 40 لاکھ ڈالر تھا۔ سرکاری اعداد و شمار کے مطابق، اس اضافے کی بنیادی وجہ برآمدات میں ہونے والی 6.25 فیصد کی کمی اور درآمدات میں 6.94 فیصد کا اضافہ ہے۔ جہاں ایک طرف ملک کی برآمدات سکڑ کر 25 ارب 21 کروڑ ڈالر رہ گئیں، وہاں دوسری طرف درآمدات کا حجم بڑھ کر 57 ارب 19 کروڑ 80 لاکھ ڈالر تک جا پہنچا ہے۔