جمائماگولڈ اسمتھ کی آئرش سرمایہ کار سے منگنی، جلد شادی ہوگی، برطانوی اخبار

جمائما گولڈ اسمتھ نے آئرش نژاد سرمایہ کار کیمرون او ریلی سے منگنی کرلی اور دونوں کی شادی جلد متوقع ہے۔برطانوی اخبار کے مطابق 52 سالہ جمائماگولڈاسمتھ اور 62 سالہ کیمرون اوریلی کے درمیان تعلق ایک سال سے زائد عرصے سے قائم تھا۔

دونوں کی ملاقات فلمی منصوبوں کے دوران ہوئی جہاں کیمرون او ریلی بطور ایگزیکٹو پروڈیوسر کام کر رہے تھے۔کیمرون او ریلی بین الاقوامی رگبی کھلاڑی سر انتھونی او ریلی کے بیٹے ہیں،ذرائع کے مطابق یہ جوڑا اہنا وقت سوئٹزرلینڈ میں کیمرون او ریلی اور ویسٹ لندن میں جمائما گولڈاسمتھ کے گھر گزارتا ہے۔

برطانوی اخبارکے مطابق جمائما کے اہلِ خانہ بھی اس رشتے سے خوش ہیں، اور ان کے بھائی رابن برلے ، کیمرون او ریلی سے ملاقات بھی کر چکے ہیں۔

جمائما گولڈ اسمتھ  بانی پی ٹی آئی عمران خان کی سابقہ اہلیہ ہیں، ، دونوں کی شادی 1995 میں ہوئی تھی اور 2004 میں علیحدگی ہو گئی تھی، ان کے دو بیٹے قاسم اور سلیمان ہیں۔