پیٹرول 6 روپے 51 پیسےمہنگا، نئی قیمت 399 روپے 86 پیسے فی لیٹر مقرر

کراچی: حکومت نے پیٹرولیم مصنوعات کی قیمتوں میں اضافہ کر دیا ہے، جس کا باضابطہ نوٹیفکیشن پیٹرولیم ڈویژن کی جانب سے جاری کر دیا گیا۔

نوٹیفکیشن کے مطابق پیٹرول کی فی لیٹر قیمت میں چھ روپے اکاون پیسے کا اضافہ کیا گیا ہے، جس کے بعد نئی قیمت تین سو ننانوے روپے چھیاسی پیسے فی لیٹر مقرر ہو گئی ہے۔

اسی طرح ہائی اسپیڈ ڈیزل کی قیمت میں انیس روپے انتالیس پیسے کا اضافہ کیا گیا ہے، جس کے بعد ڈیزل کی نئی قیمت تین سو ننانوے روپے اٹھاون پیسے فی لیٹر ہو گئی ہے۔

اعلامیے میں کہا گیا ہے کہ نئی قیمتوں کا اطلاق آج رات بارہ بجے سے ہوگا۔ مزید بتایا گیا ہے کہ پیٹرول پر فی لیٹر لیوی میں تین روپے اٹھاسی پیسے کمی کی گئی ہے، جبکہ ڈیزل پر فی لیٹر اٹھائیس روپے انہتر پیسے لیوی عائد کر دی گئی ہے، جو اس سے قبل صفر تھی۔

ذرائع کے مطابق یکم مئی کی تعطیل کے باعث قیمتوں میں ردوبدل کا اعلان ایک دن پہلے کیا گیا۔