بلوچستان حکومت شعبہ صحت میں مزید بہتری، سہولیات کے فروغ کیلئے پرعزم

وزیراعلیٰ بلوچستان سرفراز بگٹی نے صوبے میں صحت کی سہولیات کے حوالے سے اہم اعداد و شمار جاری کرتے ہوئے کہا ہے کہ بلوچستان حکومت شعبہ صحت میں مزید بہتری اور عوام کو مفت و معیاری علاج کی فراہمی کے لیے پوری طرح پرعزم ہے۔شناختی کارڈ ہی ہیلتھ کارڈ:وزیراعلیٰ نے واضح کیا کہ شہریوں کی آسانی کے لیے ان کے شناختی کارڈ (CNIC) کو ہی ہیلتھ کارڈ کا درجہ دیا گیا ہے۔ اس پروگرام کے تحت نہ صرف بلوچستان بلکہ ملک بھر کے بڑے نجی اور سرکاری ہسپتالوں کے نیٹ ورک کو شامل کیا گیا ہے تاکہ عوام کو بہترین طبی سہولیات میسر آسکیں۔علاج و معالجہ کے کلیدی اعداد و شمار:بلوچستان ہیلتھ کارڈ پروگرام کے تحت اب تک ہونے والے علاج کی تفصیلات درج ذیل ہیں:علاج کی قسمکیسز / سیشنز کی تعدادمجموعی مریض3 لاکھ 45 ہزارڈائیلاسز69 ہزار سیشنزکیموتھراپی44 ہزار سیشنزاینجیوپلاسٹی7,784 کیسزبائی پاس سرجریز575 کیسزآرتھوپیڈک سرجریز12,300 کیسزنیورو سرجریز3,412 کیسززچہ و بچہ کی صحت اور دیگر سہولیات:سرفراز بگٹی نے بتایا کہ ماں اور بچے کی صحت کے حوالے سے 55 ہزار سے زائد کیسز ہینڈل کیے گئے، جن میں 24,688 نارمل ڈیلیوریز اور 20,344 سی سیکشنز شامل ہیں۔ اس کے علاوہ بچوں کے دل کے امراض کے 304 کیسز کا بھی مفت علاج کیا گیا۔وزیراعلیٰ نے مزید کہا کہ برنز اور پلاسٹک سرجری کے 183 کیسز کی تکمیل اس پروگرام کی کامیابی کا منہ بولتا ثبوت ہے۔ صوبائی حکومت کا ہدف ہے کہ صحت کے بنیادی ڈھانچے کو مزید مستحکم کر کے ہر شہری تک باعزت طریقے سے طبی سہولیات پہنچائی جائیں۔