نیویارک میں دیسی کھانوں کا نیا مرکز: ہل سائیڈ ایونیو پر ‘خان بابا’ ریسٹورنٹ کا شاندار افتتاح

نیویارک میں مستند دیسی کھانوں کے شوقین افراد کے لیے ایک نیا ہاٹ سپاٹ ‘خان بابا’ ریسٹورنٹ ہل سائیڈ ایونیو پر کھل گیا ہے۔ افتتاح کے موقع پر ایک پروقار تقریب منعقد کی گئی جس میں مقامی کمیونٹی نے بڑی تعداد میں شرکت کی۔ اس موقع پر ریسٹورنٹ انتظامیہ کی جانب سے آنے والے تمام مہمانوں میں فری چکن تکہ، چکن بوٹی، سیخ کباب اور چاول کے پلیٹرز تقسیم کیے گئے۔

تقریب کی خاص بات یہ تھی کہ اس میں صرف جنوبی ایشیائی باشندوں نے ہی نہیں بلکہ دیگر کمیونٹیز کے افراد نے بھی بھرپور دلچسپی لی۔ شرکاء نے ریسٹورنٹ کی بہترین لوکیشن، دیدہ زیب انٹیریئر اور سب سے بڑھ کر کھانوں کے لاجواب ذائقے کی تعریف کی۔

انتظامیہ کا کہنا ہے کہ ریسٹورنٹ کا مینو نہ صرف روایتی ذائقوں سے بھرپور ہے بلکہ قیمتیں بھی نہایت مناسب رکھی گئی ہیں۔ افتتاحی تقریب کے دوران انتظامیہ نے کھلے دل سے مہمانوں کا استقبال کیا، جبکہ کمیونٹی ممبران نے نیویارک کے فوڈ سین میں اس نئے اضافے کو خوش آئند قرار دیتے ہوئے انتظامیہ کے لیے نیک تمناؤں کا اظہار کیا۔