نیویارک میں قابل فخرلمحات، پاکستانی قونصل جنرل نے فٹ بال ورلڈکپ کےلیے تیارکردہ گیند وصول کرلی

پاکستان کے لیے کھیلوں کی دنیا میں ایک اور اعزاز۔۔نیویارک میں پاکستانی قونصل جنرل عامر احمد اتوزئی نے فیفا ورلڈ کپ دو ہزار چھبیس کے لیے تیار کردہ آفیشل بال وصول کر لی، جو فخریہ طورپرپاکستان میں تیار کی گئی ہے۔۔پاکستان میں تیارکردہ یہ فٹ بالز رواں سال امریکا، کینیڈا اور میکسیکو میں ہونے والے تمام میچز میں استعمال ہوں گی۔

یہ شاندار کامیابی ایک بار پھر ثابت کرتی ہے کہ پاکستان، خصوصاً سیالکوٹ، عالمی معیار کے فٹ بال تیار کرنے میں اپنی منفرد پہچان رکھتا ہے۔ یہاں کی ہنر مند افرادی قوت، محنت کی کم لاگت اور سازگار کاروباری ماحول نے ملک کو بین الاقوامی برانڈز کے لیے ایک اہم مرکز بنا دیا ہے۔

عالمی ادارے سےیہ شراکت داری عالمی منڈی کی ضروریات کو پورا کرنے کے ساتھ ساتھ پاکستانی صنعت کی مہارت اور قابلیت کا عملی ثبوت بھی ہے۔

یہی وجہ ہے کہ جب دنیا کے بڑے اسٹیڈیمز میں  ورلڈ کپ کے میچ کھیلے جائیں گے، تو ہر کِک کے ساتھ پاکستان کی محنت، ہنر اور وقار بھی جست کرتاہوا  محسوس ہوگا۔