پاکستان میں معاشی شرح نموسست، مہنگائی میں اضافے کا خدشہ،آئی ایم ایف کی آؤٹ لک رپورٹ

آئی ایم ایف نے پاکستان میں معاشی شرح نموسست ہونے اورمہنگائی میں اضافے کی پیش گوئی کردی۔ مشرق وسطیٰ میں جنگ نے عالمی معاشی ترقی کو متاثرکیا۔عالمی مالیاتی فنڈ کی ورلڈ اکنامک آآٹ لک رپورٹ جاری کردی گئی۔
رپورٹ میں کہاگیاہے کہ جنگ کی وجہ سے عالمی ترقی کی رفتار 0.2 فیصد کمی سے 3.4 فیصد رہنے کا امکان ہے۔ جبکہ پاکستان میں رواں مالی سال معاشی شرح نمو 3.6 فیصد اورمہنگائی کی شرح 7.2فیصدرہنے کا امکان ہے ۔ اگلے مالی سال مہنگائی مزید بڑھ کر 8.4 فیصد پر جانے کا خدشہ ہے۔
واضح رہے کہ پاکستان میں پگزشتہ مالی سال مہنگائی کی شرح 4.5 فیصد ریکارڈ کی گئی تھی جبکہ حکومت نے رواں مالی سال معاشی شرح نمو کا ہدف 4.2فیصدمقررکررکھاہے۔
آئی ایم ایف کی رپورٹ کے مطابق پاکستان میں اس سال بے روزگاری 7.1 فیصد سے کم ہوکر 6.9 فیصد رہے گی۔ جبکہ رواں مالی سال کرنٹ اکاونٹ خسارہ جی ڈی پی کا 0.4 فیصد ہو سکتا ہے۔ اوراگلے مال سال کرنٹ اکاونٹ خسارہ جی ڈی پی کے 0.9 فیصد تک جا سکتا ہے۔