لاہورسے روٹ ٹومکہ آپریشن کی تیاریوں کےلیے اہم اجلاس

علامہ اقبال انٹرنیشنل ایئرپورٹ پر لاہور سے پہلی بار روٹ ٹو مکہ آپریشن کے آغاز کی تیاریوں کے سلسلے میں ایک اہم اجلاس منعقد ہوا۔جس میں آپریشن کے کامیاب، منظم اور مسافر دوست آغاز کیلئے اقدامات تیز کرنے کے عزم کااعادہ کیاگیا۔

اجلاس میں سعودی حکومت کے ڈائریکٹر آپریشنز حج فواز سعود الشفیری اور سعودی سفارتخانے کے سیکریٹری نے شرکت کی۔اورپاکستان ائیرپورٹس اتھارٹی، اے ایس ایف، کسٹمز، ایف آئی اے، اے این ایف، وزارت خارجہ اور دیگر متعلقہ اداروں کے نمائندگان سے ملاقات کی۔

اجلاس میں حجاج کرام کیلئے ہر مرحلے پر بہترین سہولتیں فراہم کرنے اور اداروں کے درمیان مؤثر ہم آہنگی کو یقینی بنانے پر زور دیا گیا ۔انفراسٹرکچر سے متعلق امور کا تفصیلی جائزہ لیا گیا، جن میں خصوصی کاؤنٹرز اور ہولڈنگ ایریاز کا قیام، نشستوں کی دستیابی، بہتر کیو مینجمنٹ سسٹم اور واضح سائن ایج شامل ہیں۔مسافروں کے ہموار بہاؤ، رش میں کمی اور بہتر سروس کی فراہمی کو یقینی بنانے پر خصوصی توجہ دی گئی۔