ٹرمپ کی ایران کو ڈیڈ لائن، عالمی تیل منڈی مارکیٹ میں بھونچال، قیمت 114 ڈالر فی بیرل

امریکی صدر ڈونلڈ ٹرمپ کی جانب سے ایران کو دی گئی 48 گھنٹے کی سخت ڈیڈ لائن اور منگل تک آبنائے ہرمز نہ کھولنے کی صورت میں بجلی گھروں اور پلوں کو نشانہ بنانے کی دھمکی کے بعد عالمی منڈی میں تیل کی قیمتوں میں بڑا اچھال آگیا ہے، جس کے باعث امریکی خام تیل 114.16 ڈالر اور برینٹ کروڈ 110.91 ڈالر فی بیرل تک جا پہنچا ہے۔ اس سنگین صورتحال نے پاکستان سمیت ایشیائی سٹاک مارکیٹس کو بھی ‘ریڈ زون’ میں دھکیل دیا ہے جہاں کراچی سٹاک ایکسچینج میں ہنڈرڈ انڈیکس ابتدائی سیشن میں ہی سینکڑوں پوائنٹس گر گیا، جبکہ وال سٹریٹ جرنل کے مطابق پاکستان، مصر اور ترکیہ اس ممکنہ عالمی توانائی بحران اور جنگ کو روکنے کے لیے تہران اور واشنگٹن کے درمیان پسِ پردہ متحرک ہیں تاہم ایران نے فی الحال آبنائے ہرمز کھولنے کا امریکی مطالبہ مسترد کر دیا ہے۔