خاتون ٹک ٹاکر سے مبینہ زیادتی کی کوشش، حکیم شہزاد لوہا پاڑ گرفتار

لاہور: پولیس تھانہ صدر نے مشہور سوشل میڈیا شخصیت حکیم شہزاد لوہا پاڑ کو ایک خاتون ٹک ٹاکر کی درخواست پر گرفتار کیا ہے۔ ذرائع کے مطابق، خاتون کا الزام ہے کہ حکیم شہزاد نے اسے ایک پرانے کیس میں صلح کی بات چیت کے لیے اپنے دواخانے بلایا، جہاں اس نے مبینہ طور پر زیادتی کی کوشش کی۔

پولیس رپورٹ کے مطابق، متاثرہ خاتون نے بیان دیا ہے کہ ملزم نے زبردستی اور دست درازی کے دوران ان کے کپڑے بھی پھاڑ دیے۔ پولیس نے واقعے کی سنگینی کو مدنظر رکھتے ہوئے فوری کارروائی کی اور حکیم شہزاد کے خلاف زیادتی کی دفعات کے تحت مقدمہ درج کر لیا ہے۔ فی الحال ملزم پولیس کی تحویل میں ہے اور واقعے کے اصل حقائق جاننے کے لیے مزید تفتیش جاری ہے۔